Lukas 20:42 - O GIKIMOI AWI JAJI ma BUKU

^42-44 Salanta o Daud masirete lo de o Gurumi Datetebi ma kuasa sidago lo wipeto Unaka ‘Ai Jou’. Kanaga isilefo o Mazmur ma Bukuka o Daud wotemo, ‘O Jou Gikimoi wotemo ai Jouka: Nomatamiye to Ngohi Ai girinaka la Ai horomati namake sidago Ani saturu taaka la yahino inisuba Ngonaka.’ So nakoso igogou o Daud wiaso Una awi Jou, done imaaka idodooha so ona itemo, o Salamati ma Kolano Awi aheli ma sihino o Daudno.”

Lukas 20:42 Referans Kwoze

Ibrani 1:13

De komagena lo o Gikimoi asa o malaikat moi waasi onaka wotemo komanena, “Nomatamiye to Ngohi Ai girinaka la Ai horomati namake sidago Ani lawangi taaka la yahino de nisigise ka ka Ngonaka.” Duma Awi demo magena wotemo cawali ka ma Ngopaka.

1 Korintus 15:25

Sababu ma Kristus bilasu wopareta maro o kolano moi sidago ma orasi to Una Awi lawangi yangodu gena o Gikimoi watura kasi.

Lukas 24:44

Dabolo de Una wotemo onaka, “Manena o kia naga tinisingangasu nginika, ma orasi idomaka de Ngohi kanaga dede nginisi. O bi moi-moi ma ngale Ngohi, kiaka o Jou Awi bobita o Musa de lo o bi nabi ma somoa isilelefo ma Buku ma rabaka de lo o Mazmur ma Bukuka gena, dangodu bilasu isiganapu.”

Ibrani 3:7

So hika ngini nimasosininga o sidapano ma demo o Gurumi Datetebi wodedemo, kiaka idomaka isilelefo o Gikimoi Awi Jaji ma Buku ma rabaka itemo, “Nakoso o wange manena ngini o Gikimoi Awi ili niise gena,

Rasul 1:20

De o Petrus wobicara kali wotemo, “O Yudas wodadi manga roriri gena sababu kanaga isilefo o Mazmur ma Bukuka, itemo komanena, ‘Awi tahu magena bilasu yodongosaka, de bilasu o nyawa moi lo upa yogoge.’ Kanagali isilefo komanena, ‘Bilasu o nyawa ma somoa awi manara yatagali.’