Lukas 20:28 - O GIKIMOI AWI JAJI ma BUKU

²⁸ “Baba Guru, o bobita o Musa walelefo ma ngale ngone inangoduka, nakoso yanau moi la wosone de o ngopa wamake waasi, bilasu ma nongoruku asa womikawi kali ma ria ma balo muna magena, la o ngopa yamake de o ngopa magena wisikagena imatero de ka ma ria wososone awi buo.

Lukas 20:28 Referans Kwoze

Dodadi 38:8

Imaaka komagena, so o Yehuda wotemo wononongoru o Onanka, “Notagi kagena ani ria ma baloka, ma ngale nanga biasa gena ngini nisinoto bilasu nimasikiidu sababu ngona gena ani ria awi nongoruku. Hika la o manara magena naaka munaka, ma ngale ani ria gena kanaga de awi ngopaka.”

Dodadi 38:26

O Yehuda wanako o moi-moi magena ka to una so wotemo, “We! Muna magena ami sala ihiwa. Ka cawali ngohi de ai sala gena, ai jaji munaka magena taaka waasi, ena gena bilasu muna de ai ngopa o Syela gena tasikawi kasi.” So muna mitupu kawa, de kagena de isikahika muna magena de o Yehuda he imasikiidu kawa.

Dodadi 38:11

Mutuwade o Yehuda wotemo awi modoka ongo Tamarka, “Notagi de noliho kadoka ani baba de ani awa manga tahuka, la kagena onaka nogogesi maro o babalo moi de upa nokawi kali, sidago lo ai ngopa o Syela wononongoruku gena wilamo kasi.” Una wotemo komagena ma sababu iwimodoka, done o Jou gena o Syela witooma kali, imatero de awi ria yasinoto. So kagena de ongo Tamar gena moliho kadoka ma baba de ma awaka.

Lukas 20:29

Kanaga idadika ona magena o gianongoru yatumudingika. Woriria wokawi dabolo duma awi ngopa ihiwasi de wosoneka.