Lukas 20:20 - O GIKIMOI AWI JAJI ma BUKU

²⁰ So ona magena o ngeko moi yosari la aku Una witago. Ona asa o nyawa yabaja de yasulo la ona magena itagi imaaka maro o nyawa manga sininga ibolowo, duma de manga edekati Una iwisabatolo de o sosano moi, ma ngale Una iwisisala de iwikalaki ma gubernurka.

Lukas 20:20 Referans Kwoze

Lukas 11:54

iwinanano la Una iwisabatolo de manga sano idala, ma ngale ona aku iwisisala.

Matius 27:2

So Una wipopilikuka, de gila-gila wingaho de witota ma Gubernur Pilatuska.

2 Petrus 2:3

Ona o guru ikokulai magena o pipi yodesere so de manga demo ikokulai ngini inisihaga la ma ngale o kaya yamake. Duma idomaka o Gikimoi wositatapu daboloka done bilasu ona manga dorou wafanggali, so he iteka kawa de ona magena asa wasisa bai!

Lukas 20:26

Kagena o bi nyawa manga simaka de ona Awi saturu magena ka Awi demo moi lo yaakuwa iwisabatolo. Awi demo magena yoise dabolo de ona yangodu yosawangi, so ona ka imapopongoka.

Markus 3:2

O wange magegena o Sabat ma wange, so kagena de o bi Farisika iwinanano nakoso o Yesus asa o nyawa magena wisiloha, eko hiwa. Manga edekati Una iwitailako de Awi sala yasari la iwikalaki.

Lukas 20:21

So ona yababaja magena yahino de itemo Unaka, “Baba Guru, ngomi mianako igogou Ngona nadedemo de nasidoto itiai nagoonaka bato maro o kia o Gikimoi Awi dupa bilasu paaka.