Lukas 20:14 - O GIKIMOI AWI JAJI ma BUKU

¹⁴ Duma imomanara ona magena wikelelo de itemo moi de moika, ‘Una magena bai! Una o warisi ma jojoho. Hino la ngone una powitoomaka, ma ngale ngone pamake to una awi warisi.’

Lukas 20:14 Referans Kwoze

Roma 8:17

So nakoso ngone gena Awi ngopa-ngopaka, de komagena ngone lo asa pamake o kia moi-moi dangodu wotemo gena aku wihike Una ma Kristuska. Ka cawali maro ma Kristus wisangisaraka, komagena lo ngone, la ma ngale maro Una wisimulia bilasu ngone lo komagena.

Ibrani 1:2

Duma o orasi manena gena kanaga o orasi ma dodoguka, to Una Awi demo gena Awi Ngopa masirete Una magena asa wonasingangasu ngoneka. Una Awi Ngopa gena wisitatapuka la o bi moi-moi o kia naga dangodu gena to Una, o bi moi-moi kiaka sababu ka Una magena so o dunia de o dipa lo dangodu idadika.

Rasul 3:15

sidago Una niwitoomaka, Una magena o bi nyawa inangodu nanga oho ma duhutu ma gola. Duma o Gikimoi iwisioho kali o sone ma rabano, de magena ngomi masirete miwikeleloka so minisingangasu nginika.

Rasul 2:23

Imamote de o Gikimoi Awi edekati so wositatapu daboloka, o Yesus bilasu wisidoa nginika, so o Gikimoi wanako done asa isiganapu. De ngini Una niwisidoa o nyawa yatotorouka, de ona niasulo la iwisidasangahadi sidago wosone.

Lukas 22:2

O imamka ma bi sahe de o bi guru agama, sababu yamodo o nyawa yadadalaka, so ona manga edekati o ngeko isisari ma ngale o Yesus witago de witooma.

Lukas 20:19

O bi guru agama de lo o imamka ma bi sahe to Una Awi ade-ade gena yoise, de ona yanako Una wasimeta onaka. So kagena de ona imasikadailako la o orasi magenaka tanu Una iwitago. Duma ma ngale ona yamodo o bi nyawa yadadala, so ona idadi kawa yaaka.

Lukas 20:5

Kagena de ona manga sidongirabaka imatekebicara moi de moika itemo, “Nakoso ngone potemo o haku o Gikimoino, done Una wonasitemo, ‘Nako komagena, de dadoohaso o Yohanes Wooosi niwipiricayawa.’

Lukas 19:47

Kagena o wange isigeto-geto o Gikimoi Awi Tahuka Una wodoto. O imamka ma bi sahe, de o bi guru agama, de lo o Yahudika manga roriri magena o ngeko isisari la o Yesus witago de witooma,

Matius 21:25

So hika ngini niasango, o Yohanes o nyawa waosi gena naguuna o haku wihike, o nyawano eko o Gikimoino.” Kagena de ona manga sidongirabaka imatekebicara moi de moika itemo, “Nakoso ngone potemo o haku o Gikimoino, done Una wonasitemo, ‘Nako komagena, de dadoohaso o Yohanes Wooosi niwipiricayawa.’

Matius 16:7

Kagena de o muri-muri imatekebicara moi de moika, de itemo, “Una wotemo komagena sababu to ngone nanga roti ihiwa.”

Matius 21:34

Ma orasi yaadoka o anggur ma sopo yautu, o nyawa una magena wasidingo awi nyawa igogilalo yamuruo naga la itagi kadoka to una awi raki yamomanaraka de ma ngale yadehe to una awi raki ma gimina.

Lukas 20:13

Kagena de o raki ma duhutu magena wotemo, ‘Ngohi o kiali taaka. Ngohi asa tasidingo kali ai ngopa masirete towidododara. Igogou, done ai ngopa masirete so iwihoromati.’

Lukas 20:15

Kagena de o ngopa magena iwisoroma so o raki ma duduka de kagena asa ona iwitoomaka.” So kagena de o Yesus o ade-ade magena wosijarita dabolo de wasano wotemo, “So o raki ma duhutu una magena asa o kia una waaka.