Lukas 20:13 - O GIKIMOI AWI JAJI ma BUKU

¹³ Kagena de o raki ma duhutu magena wotemo, ‘Ngohi o kiali taaka. Ngohi asa tasidingo kali ai ngopa masirete towidododara. Igogou, done ai ngopa masirete so iwihoromati.’

Lukas 20:13 Referans Kwoze

Matius 3:17

Ato itangi de o ili moi yoise o sorogaku itemo, “Una manena to Ngohi Ai Ngopa towidododara. De Una magena Ngohi towidupa.”

Galatia 4:4

Ngaroko komagena, duma o Gikimoi Awi orasi yaadoka, de Una masirete lo asa Awi Ngopa wisuloka la Una wahino o duniaku woutika. Una magena o ngopedeka moi mowisibuoka imatero maro o Yahudika ma nyawa, so manga bobita o Gikimoino gena bilasu waaka.

Roma 8:3

Ena gena, sababu ngone o nyawa kanaga nanga siningaka o dorou podupa, so o bobita o Gikimoino posigise paakuwa. Duma o Gikimoi gena igogou waaku bai! To Una Awi Ngopa masirete wisulo la wahino womadadi maro ka o nyawa moi de Awi siningaka o dorou ma dupa lo wosigisewa, so ma ngale ngone nanga dorou gena dangodu watupu sidago Una masirete iwitooma.

Yohanes 1:34

De ngohi tanako igogou de ngohi towikeleloka, so tinisingangasu tagogou nginika, Una magena o Gikimoi ma Ngopa.”

Lukas 9:35

De o lobi-lobi ma rabano o ili moi iise itemo, “Una manena to Ngohi Ai Ngopa towihihirika. Ka Unaka bilasu niwisigise!”

Matius 17:5

O Petrus ka wobicarasi, de imatodoka o lobi-lobi isisiru o bolu moi iuti so yasaoka, de o lobi-lobi ma rabano o ili moi iise itemo, “Una manena to Ngohi Ai Ngopa towidododara. Una Ai sininga yadahe de ka Unaka bilasu niwisigise!”

Lukas 18:2

Una wotemo, “O doku moika kanaga o hakim moi o Gikimoi wimodowa de lo nagoona bato wasidoohawa.

Lukas 18:4

Ma nonomaka, o hakim magena munaka gena womiriwo woholu. Duma ma duuruka, awi sininga ma rabaka wotemo, ‘Ngaroko ngohi o Gikimoi towimodowa de lo nagoona bato tasidoohawa,

Lukas 20:12

O raki ma duhutu una magena wisidingo kali o nyawa wogogilalo ma saangeka, duma una wogogilalo magena iwingangapoli de lo iwiumo o raki ma nokika.

Lukas 20:14

Duma imomanara ona magena wikelelo de itemo moi de moika, ‘Una magena bai! Una o warisi ma jojoho. Hino la ngone una powitoomaka, ma ngale ngone pamake to una awi warisi.’