Lukas 2:46 - O GIKIMOI AWI JAJI ma BUKU

⁴⁶ So wisari o Yerusalem ma doku yakiloli yahika de yahino o wange saange dabolo, de asa Una wimake o Gikimoi Awi Tahu ma rabaka. Una de o guru-guru agama so manga demo wosigise de lo onaka wasasano.

Lukas 2:46 Referans Kwoze

Lukas 5:17

O wange moiku o Yesus wodoto, de kanaga o Farisika ma nyawa de lo o guru agama ona magena yamuruo naga kagena yogogeku. Ona magena yahino o Galilea ma tona ma sigilolino, de komagena lo o Yudea ma daerano de lo o Yerusalemno. O Jou Gikimoi Awi kuasa kanaga Unaka la o bi nyawa manga panyake aku wasiloha.

Rasul 5:34

Duma kanaga o Mahkamah Agama ma nyawa moi o Farisika awi ronga o Gamaliel, una magena o Yahudika manga guru agama moi de o nyawa yangodu iwihoromati. Una magena womaoko de wosulo la o bi rasul magena yasisupu kasi ma duduka o orasi ma cunu.

Matius 12:40

Maro ma nabi Yunus kanaga o wange saange de o putu saange wogoge o nao ilalamo moi ma poko ma rabaka, komagena lo Ngohi o Nyawa ma Duhutu done o wange saange de o putu saange asa togoge o boosu ma rabaka.

Matius 16:21

Ma solano o orasi magena de o Yesus Awi muri-murika womadedemo wositotiaika, ena gena wotemo onaka, “Ngohi manena bilasu totagi o Yerusalemka. De done o Yahudika manga roriri, o imamka ma bi sahe, de o bi guru agama ona Ngohi iholu, so ona asa isangisara dasiri ma bati itooma de isosone. Ngaroko iaka komagena, duma o wange saangeka de Ngohi tooho kali.”

Lukas 2:47

De o nyawa yangodu asa iise gena yohairani ma ngale Una Awi sosango de Awi cawaro magena.

Yohanes 3:10

So o Yesus wotemo, “Ngona gena ngaroko o Israel ma nyawa manga guru moi nikukuruye, duma dadoohaso sidago o bi moi-moi ngona tonidodedemoka de ma ngale gena naakuwa nanako.

1 Timotius 1:7

Ngaroko o Gikimoi Awi bobita o Musa wolelefoka gena ona de manga barani yodupa yadoto o nyawaka, duma ona manga dodoto de manga demo-demo gena ona masirete lo ma ngale isihoda waasi.