Lukas 2:27 - O GIKIMOI AWI JAJI ma BUKU

²⁷ So de ma orasi o Yusuf de ongo Maria manga ngopa o Yesus wingaho o Gikimoi Awi Tahuka la wisidoa o Gikimoika, maro o Jou Awi bobita o Musa wosilelefoka, o Gurumi Datetebi magena o Simeon wingaho o Gikimoi Awi Tahuka wowosa.

Lukas 2:27 Referans Kwoze

Rasul 10:19

De o Petrus awi gogelelo ma gamamu ka watohosi, de o Gurumi Datetebi wotemo, “He, Petrus! Kagenadahu o nyawa yaruwange gena ngona nisari.

Lukas 2:51

Dabolo de ona iliho imakangaho manga doku o Nazaretka, de igogou Una wasigise daloha ma awa de ma babaka. O moi-moi idadadika dangodu magena ma awa ami sininga ma rabaka madiahika.

Lukas 2:48

La ma baba de ma awa wikelelo Una, de ona yohairani, de ma awa motemo Unaka, “Ce! Ai ngopa, dadoohaso nomiaka komanena! O wange saange dabolo ngomi mia sininga isusa minisari Ngona.”

Lukas 2:41

O musung isigeto o Yesus Awi dodihimo o Yusuf de ongo Maria bilasu o Yerusalemka itagi la isirarame o Paskah ma Wange ma Rarame.

Gogelelo 17:3

Kagena de o Gikimoi Awi Gurumi idahe de ai sininga wapareta kali, de o malaikat una magena woingaho o tona ibobeleu moika. De kagena ngohi takelelo o haiwani ilalago dasosawala de o ngopedeka moi mopaneku. O haiwani magena ma sahe ngai tumudingi de ma tadu lo ngai tumudingi, de lo ma rohe ma sigilolino isilefo o ronga-ronga ma dorou idadala isimeta o Gikimoika.

Gogelelo 1:10

De ma orasi magena, o Minggu ma Wangeka, de o Gurumi Datetebi ngohi ai sininga wapareta so tamote. Kagena de o gogelelo moi tamake so kanaga ngohi ai duduno o ili ilalamo moi toise maro o trompet ma ili,

Rasul 16:7

So kagena imasidiado o Misia ma daera ma batika, de to ona manga edekati asa itagi yakahika o Bitinia ma daeraka, duma o Yesus Awi Gurumi wasimahawa ona kagena yakahika.

Rasul 11:12

Mutuwade o Gurumi Datetebi wosulo ngohika bilasu totagi dede o nyawa ona magena, de upa lo taroraka. So ngohi de ai dodiao ipipiricaya yabutanga ona magena lo mitagi mimakangaho mikahika o Kaisarea ma kotaka, sidago miwosa o Kornelius awi tahu ma rabaka.

Rasul 8:29

So kagena de o Gurumi Datetebi wotemo o Filipuska, “Nahika awi padati ma dateka, de notagi nowimote-mote.”

Lukas 4:1

Daboloku, o Yesus o Yordan ma Seleraka so he womajobo de o Gurumi Datetebi ma kuasa daasu-asu wipareta so wingaho o tona ibobeleuka.

Lukas 2:22

Dabolo de ma orasi yaado o Yusuf de ongo Maria bilasu yaaka o adati de o galepu, so ona aku manga sininga datebi, maro o Jou Awi bobita o Musa wosilelefoka. O orasi magena de ona manga ngopa gena iwingaho yotagi ikahika o Yerusalemka la iwisidoa o Jouka,

Matius 4:1

Daboloku de o Gikimoi Awi Gurumi magena o Yesus wingaho o tona ibobeleuka la o Iblis iwibaja la ma ngale o dorouku wisitura.

Lukas 2:28

Kagena de una asa o ngopa magena widehe de witoti, de o Gikimoi wigiliri wotemo,

Galatia 4:4

Ngaroko komagena, duma o Gikimoi Awi orasi yaadoka, de Una masirete lo asa Awi Ngopa wisuloka la Una wahino o duniaku woutika. Una magena o ngopedeka moi mowisibuoka imatero maro o Yahudika ma nyawa, so manga bobita o Gikimoino gena bilasu waaka.