Lukas 19:37 - O GIKIMOI AWI JAJI ma BUKU

³⁷ Ma orasi Una he dangade womasidiado o Yerusalemka, o Tala Zaitun ma ngunuku wokahuku, o bi nyawa yadadala Una wimote-mote gena yangodu asa o Gikimoi iwisigiliri. Ona de manga nali imasagaga ma ngale o bi nonako ihahairani dangodu gena yakeleloka.

Lukas 19:37 Referans Kwoze

Matius 21:1

Ma orasi o Yesus de Awi muri-muri o Yerusalem yadumuka so ona imasidiado o doku Betfage o Tala Zaitunka, kagena de o muri yasinoto wasulo itagi idoma.

Lukas 19:20

Dabolo de woleleleani moili wahino de wotemo, ‘Tuangi, manena ani pipi. Ngohi tadiahi daloha ai lenso ma rabaka tosisaoka.

Lukas 18:43

De o orasi magena dabolo wopipilo asa womasigeleloka. Kagena de wotagi o Yesus iwimote-mote, de lo o Gikimoi wisigiliri de wihoromati. De ma orasi o kia naga idadadi magena o nyawa yakelelo, de ona yangodu lo iwisigiliri o Gikimoika.

Lukas 7:16

Kagena de o nyawa yangodu yohairani so iwisigiliri o Gikimoi, de yotemo, “Wewe! O nabi wilalamo moi womasinako to ngone nanga sidongirabaka. Igogou, o Gikimoi wahino o loha waaka Awi nyawaka.”

Markus 14:26

Dabolo de ona yangodu yonyanyi wigiliri o Gikimoika. So dabolo de ona isupu de itagi o Zaitun ma Talaka.

Markus 13:3

Kagena de o Yesus wotagi o Zaitun ma Talaka so ma dokuka wogogeku, de o Gikimoi Awi Tahu magena worisimaka. De Una ka womatengoka, de o Petrus, o Yakobus, o Yohanes de o Andreas yahino ma ngale imasano.

Lukas 19:29

Ma orasi ona yadumuka o doku Betfage de o doku Betania o Tala Zaitunka, kagena de o muri yasinoto wasulo itagi idoma.

Lukas 19:36

So ona ka itatagi yokahika o Yerusalemka. Una asa wogila-gila, de kogena o ngekoko o nyawa yadadala manga juba isinaho, ma ngale Una iwisihoromati.

Yohanes 12:18

Komagena o nyawa yadadalali o Yerusalemka ma ngale o Yesus Awi nonako ihahairani magena yogiiseka, so ona yadadala magena asa itagi o ngekoka la de o Yesus imakamake.