Lukas 19:18 - O GIKIMOI AWI JAJI ma BUKU

¹⁸ De woleleleani ma sinotoka, una magena wahino de wotemo, ‘Tuangi, idomaka o pipi o guraci moi noihihike ngohika, magena ma dogo gena ngai motohali.’

Lukas 19:18 Referans Kwoze

2 Korintus 8:12

Dadoohawa, nakoso ngini niaakuwa. Sababu nakoso ngone nanga buturu masirete pamomote gena ka pokaeli pahike de nanga sininga itotiai, de nanga ngongike magena o Gikimoi asa wadehe daloha.

Markus 4:20

De o gisisi itutura o tona dalolohaku ioho daloha, gena imatero bato o nyawa o Gikimoi Awi demo magena yoiseka, de imagese de manga sininga ma rabaka imadiahi, so igogou o manara daloloha yaaka. Kanaga manga manara daloha sidago ma sopo ma para moruwange, kanaga manga manara daloloha sidago ma sopo ma para moributanga, de kanaga lo manga manara daloloha sidago ma sopo ma para ratu moi. Sidago kanena.”

Matius 13:23

De o gisisi itutura o tona dalolohaku ioho daloha, gena imatero bato o nyawa o Gikimoi Awi demo magena yoiseka, de yosihoda de manga sininga ma rabaka imadiahi, so igogou o manara daloloha yaaka. Kanaga manga manara daloha sidago ma sopo ma para ratu moi, kanaga manga manara daloloha sidago ma sopo ma para moributanga, de kanaga lo manga manara daloloha sidago ma sopo ma para moruwange. Sidago kanena.”

Lukas 19:13

So una magena womajobo waasi, de ileleleani unaka yamogiowo waaso la wasulo, de o pipi o guraci wahike moi-moi pipi ngai moi. O tuangi una magena wotemo, ‘Ngohi totagisi de o pipi manena aku nimasiiija hika de hino.’

Lukas 19:17

Ma tuangi gena wotemo, ‘Igogou daloha! Ngona ani leleani manena daloha. Ma ngale ngona o kia naga ma cunu gena aku naaturu nokaeli, so ngohi lo asa tonitide la nodadi o kota mogiowo manga bobareta.’

Lukas 19:19

Ma tuangi gena wotemoli, ‘Ngona asa nodadi o kota motoha manga bobareta.’

Matius 25:22

De lo woleleleani moi kanaga o cala sinoto wamake, una magena lo wahino de wotemo, ‘Tuangi, idomaka o cala sinoto noisidodogu ngohika. Nanano, maena ma dogo ena gena o cala sinotoli.’