Lukas 19:17 - O GIKIMOI AWI JAJI ma BUKU

¹⁷ Ma tuangi gena wotemo, ‘Igogou daloha! Ngona ani leleani manena daloha. Ma ngale ngona o kia naga ma cunu gena aku naaturu nokaeli, so ngohi lo asa tonitide la nodadi o kota mogiowo manga bobareta.’

Lukas 19:17 Referans Kwoze

Lukas 16:10

O nyawa la o kia naga ka ma cunu gena aku yaaturu yokaeli so yosidailako ma ngale manga oho o orasi ma simaka, ona magena lo asa o kia naga ilalamo lo yaaturu ka yokaeli. De ma ngale o nyawa o kia naga ka ma cunu lo ka yasihaga, ona magena lo asa o kia naga ilalamo lo ka yasihaga.

Matius 25:21

Ma tuangi gena wotemo, ‘Igogou daloha! Ngona manena noleleani nokaeli de daloha. Ma ngale ngona o kia naga ma cunu gena aku naaturu nokaeli, so ngohi lo asa tonitide la o kia naga foloi ilamo ngona najaga. Nahino la o nali ma rabaka nogoge dede ngohi.’

1 Petrus 1:7

Magena de ma ngale la inisinako igogou o Gikimoi niwipiricaya daputuru. Ma orasi o sangisara de o susa niamake, de magena asa ngini nia piricaya gena yatailako, maro de o uku aku o guraci yatailako la panako magena o guraci ma duhutu, eko hiwa. De nako nia piricaya, magena ifoloisi ihali de o guraci, sababu o guraci gena done asa isisaka. So nakoso ngini nia piricaya magena igogou daputuru, de done ma orasika o Yesus Kristus womasimane o duniaku wouti de wahino kali, so ngini magegena asa o Gikimoi winigiliri de winisimulia.

1 Korintus 4:5

So nako komagena, de ngini bilasu upa nimajai-jai o nyawa manga manara ma sopo niatailako. Bilasu niwidamaha o Jou Yesus wahino kali. Sababu Una magena done asa o nyawa manga sininga ma raba de lo ma edekati gena moi-moi wasikelelo. De o orasi magenaka o Gikimoi masirete asa wosimane o nyawamoi-nyawamoi manga giliri itotiai.

Dodadi 39:4

Bolo, de ma jojaga manga bobareta una magena o Yusuf gena wingaho daloha, so wotemo, “Yusuf, ngona gena ngohi asa tonitide la nodadi to ngohi ai tahu ma jojaga ma ngale ai raki de ai alamu moi-moi kanaga ai tahu ma rabaka gena dangodu ngona naaturu.”

1 Petrus 5:4

De ma orasika la ma Kristus maro o Sowohi Wokokuasa moi wahino kali gena inangodu aku powikelelo, de ngini magegena asa niamake o hadiah gena o horomati he yakokoora kawa.

2 Timotius 2:10

Mutuwade ngona bilasu o sangisara namoku. Sababu o sangisara dangodu magena ngohi lo tamokuka ma ngale o Gikimoi Awi nyawa wahihirika. La o nyawa o Yesus Kristus iwipipiricayaka, ona magena asa Una wasisalamati de ona asa igoge ka sidutu ikakali to Una Awi mulia ma rabaka.

Roma 2:29

Duma ma ngale o nyawa ona magegena la kanaga idadi Una Awi nyawa gena manga sininga ma rabaka o dorou dangodu Una Awi Gurumi gena wapikika. Komagena wapikika, upa ka ma sababu o bobita o Gikimoino gena ona yamake, duma Awi Gurumi womanara manga siningaka. O nyawa maro komagena yamake o giliri gena, upa nitemo o nyawano, duma ka cawali o Gikimoino.

Lukas 22:30

Komagena so done ma orasi Ngohi todadi o Kolano to Ngohi Ai pareta ma rabaka, de ngini lo asa nikoro la niodo de porarame dede Ngohi, de lo asa nimatamiye o bi pareta ma kursika ma ngale o Israelka manga soa yamogiowo de sinoto gena niapareta.”

Lukas 19:16

Woleleleani ma nonomaka, una magena wahino wirisima de wotemo, ‘Tuangi, idomaka o pipi o guraci moi noihihike ngohika, magena ma dogo gena ngai mogiowoli.’

Lukas 19:18

De woleleleani ma sinotoka, una magena wahino de wotemo, ‘Tuangi, idomaka o pipi o guraci moi noihihike ngohika, magena ma dogo gena ngai motohali.’