Lukas 19:14 - O GIKIMOI AWI JAJI ma BUKU

¹⁴ Duma ma tuangi awi doku ma rabaka kanaga lo o nyawa iwiduhudu unaka. Ato womajoboka, ona iwidoduhudu magena manga nyawa yasulo la itagi ituuruno de isingangasu itemo, ‘Ngomi manena miwiholu o tuangi una magena wodadi mia kolano.’

Lukas 19:14 Referans Kwoze

Yohanes 15:18

“Ai muri-muri, nakoso o bi nyawa o duniaka o Gikimoi wihoholu gena kanaga nginika iniduhudu, magena upa he niohairani, sababu ona magena Ngohi iduhudu idomaka.

Lukas 19:27

De o orasi manena ai saturu kiaka ihoholu ngohi todadi to ona manga kolano, ona magena niangaho nonena. La ona yangodu niatooma ai simaka.’ ”

Yohanes 1:11

So Una asa wahino to Una Awi doku masireteka, duma Awi doku ma bi nyawa, ena gena o Yahudika ma nyawa, ona iwiholu.

Lukas 14:32

Nakoso wanako igogou done yaadowa, de ma orasi awi saturu magena yahino waasi, de una asa awi nyawa wasulo la itagi yogolo imakadame.

Lukas 19:13

So una magena womajobo waasi, de ileleleani unaka yamogiowo waaso la wasulo, de o pipi o guraci wahike moi-moi pipi ngai moi. O tuangi una magena wotemo, ‘Ngohi totagisi de o pipi manena aku nimasiiija hika de hino.’

Lukas 19:15

Ngaroko manga demo komagena, duma una magena iwitideka wodadi manga kolano, dabolo de woliho awi dokuka. Womasidiadoka, de una asa womatai-tai ileleleani yamogiowo ona magena waaso la wirisima, ma ngale o pipi ma utungu ma lamo o kiamoi ona yamamakeka magena aku wanako.