Lukas 18:39 - O GIKIMOI AWI JAJI ma BUKU

³⁹ De o nyawa o Yesus Awi simaka itagi ona magena iwingamo unaka itemo, “He! Nomapopongo!” Duma una gena ka foloisi womatotoore, “O Daud awi ngopa de awi dano moiku, kodo! Noigalusiri ngohi!”

Lukas 18:39 Referans Kwoze

Lukas 18:15

O wange moiku o bi nyawa manga ngopa yacecekesi o Yesuska yaaho la wapada de wogolo tanu o Gikimoi Awi laha wasicatu onaka, duma Awi muri-muri yakelelo, de yatoosa so yadogore ona magenaka, “Upa niahika!”

2 Korintus 12:8

Ngohi towibaja de togolo o Jouka sidago tosipara lo ma saange la o sangisara magenano Una woipalako.

Lukas 19:39

Kagena de o Farisi ma nyawa yamuruo naga yadadala manga sidongirabaka iwitemo o Yesuska, “He, Baba Guru! Ani nyawa nimomote gena nasulo imapopongoka.”

Lukas 18:38

Una woise komagena, de una womatoore, “Ya Yesus! O Daud awi ngopa de awi dano moiku, kodo! Noigalusiri ngohi!”

Lukas 18:1

Dabolo de o Yesus o ade-ade moi wadoto Awi muri-murika, la ona magena bilasu yosumbayang ikaeli de upa manga sininga daceke.

Lukas 11:52

O bodito! Kodo! O bodito asa inidahe ngini o bi guru agamaka. O ngeko kiaka la o nyawa aku iwinako o Gikimoi, magena ngini niafati. Ngini masirete niwidupawa o Gikimoi niwinako, so o nyawa la yomode iwinako, ona magena igogou ka niafati.”

Lukas 8:49

So de Una ka wobobicarasi, de o Yairus awi tahuno o sosulo moi wahino. De una magena wisibubusu o Yairuska, de wotemo, “Upa ngona ma Baba Guru nowigolo kali, sababu ani ngopa mosoneka.”

Matius 7:7

“Hika ngini nigolo o Gikimoika, de Una asa winihike nginika. Ma ngale nia kurangi gena o Gikimoika niasari bai! Niasari de ngini asa niamake. De lo o ngora ma duduno nioaso-aso, de o Gikimoi asa o ngora magena wapelenga de winisimaha so ngini niwosa.

Matius 8:26

So Una womomi de wotemo onaka, “Ngini niamodo ilamo! He! To ngini nia piricaya ka ma cunu.” Magena de Una womaokoye so wotemo o paro de o moku-mokuka, “Niogo!” De gila-gila o talaga magena irihika.

Matius 9:27

Kagena de o Yesus womajobo so wahika o ngeko ma soaka, o nyawa manga lako ipipilo yasinoto iwinihi, de ona imatoore, “Ya Yesus, o Daud awi ngopa de awi dano moiku, kodo! Nomigalusiri ngomi.”

Lukas 18:40

Kagena de o Yesus womatogu de wosulo wotemo, “Wopipilo una magena niwingaho nonena Ngohika!” So iwingahoka, de kagena womasidiado de o Yesus wisano una wopipiloka,