Lukas 18:38 - O GIKIMOI AWI JAJI ma BUKU

³⁸ Una woise komagena, de una womatoore, “Ya Yesus! O Daud awi ngopa de awi dano moiku, kodo! Noigalusiri ngohi!”

Lukas 18:38 Referans Kwoze

Matius 9:27

Kagena de o Yesus womajobo so wahika o ngeko ma soaka, o nyawa manga lako ipipilo yasinoto iwinihi, de ona imatoore, “Ya Yesus, o Daud awi ngopa de awi dano moiku, kodo! Nomigalusiri ngomi.”

Lukas 18:39

De o nyawa o Yesus Awi simaka itagi ona magena iwingamo unaka itemo, “He! Nomapopongo!” Duma una gena ka foloisi womatotoore, “O Daud awi ngopa de awi dano moiku, kodo! Noigalusiri ngohi!”

Matius 15:22

De kanaga o ngopedeka moi muna magena o Kanaan ma daerano, so ngaroko o Yahudika ma nyawa misowo. Muna magena mahika Unaka, de momatoore, “Ya Jou, o Daud awi ngopa de awi dano moiku, kodo! Noigalusiri ngohi. To ngohi ai ngopa moi o toka mingosa so mitogosaka.”

Roma 1:3

O habari daloloha gena ma ngale to Una Awi Ngopa, Una magena o Yesus Kristus nanga Jou. De ma ngale Una magena wodadi maro o nyawa moi de Awi rohe gena, Awi sihino kanaga o Daud awi ngopa de awi danoku. Duma ma ngale Una Awi siningaka Awi gogoho o Gikimoino gena, kanaga o Gikimoi wonasinako igogou Una magena o Gikimoi ma Ngopa de Awi kuasa dapoputuru. Komagena wosinako ma orasi Una o sone ma rabano wisioho kali.

Gogelelo 22:16

Ngohi manena, Yesus, la to Ngohi Ai malaikat towisulo una wotagi o bi moi-moi dangodu magena winisingangasu o bi gogobu ningoduka. Ngohi manena o Daud awi ngopa de awi dano, de lo maro o ngoma o koru ngaroko ma orasi o wange ibaoka de kanaga o ngoma magena ka isiwasi.”

Matius 21:15

Duma o imamka ma bi sahe de o bi guru agama yakelelo o nonako ihahairani, kiaka waaaka, so ona yongamo. De lo ona yotoosa gena, yoise o ngopa-ngopa imanere o Gikimoi Awi Tahuka itemo, “Powigiliri Una o Daud awi ngopa de awi dano moiku!”

Matius 21:9

O bi nyawa yadadala idodoma de ma binukali itotuuru Una wimote-mote gena, yangodu imasagaga itemo, “Powigiliri Una o Daud awi ngopa de awi dano moiku! Igogou! Una wahino de o Jou Awi ronga. So tanu Una magenaka o Gikimoi Awi laha wisicatu. Hino powigiliri o Gikimoi Wikukuruye!”

Matius 12:23

O nyawa yadadala gena asa yohairani de itemo, “Wokuasa bai! Nagala Una o Daud awi ngopa de awi dano moiku.”

Lukas 18:37

De ona itemo unaka, “O Yesus o Nazaret ma nyawa nonena wokahino.”