Lukas 18:32 - O GIKIMOI AWI JAJI ma BUKU

³² Ngohi asa isidoa o nyawa ona magena o Yahudika ma nyawa yasowo, la ona magena igagaka isiihe, isimade, ihobi,

Lukas 18:32 Referans Kwoze

Lukas 23:11

Dabolo de o Herodes de awi prajurit-prajurit wikalekono de wisiihe o Yesuska. Ona o bi kolano manga juba iwisitibaku, dabolo de iwisitotali o Pilatuska.

Rasul 3:13

Ngini bilasu nianako o Abraham, o Ishak, de o Yakub de to ngone nanga ete de nanga topora ma somoali ona magena manga Gikimoi wisusuba, Una manena Awi leleani o Yesus gena wisimuliaka, duma Una magena ngini niwisidoa o Pilatuska, de niwisiholu to una awi simaka, ngaroko o orasi magena o Pilatus wihirika Una iwipalako.

Markus 14:65

Gila-gila ona yamuruo naga Una wihobi, de Awi lako yapoku de wingapo, de yotemo, “Hika nomisingangasu naguuna woningapo!” De o bi jojaga imasimote Una wipopoka.

Matius 26:67

Gila-gila ona yamuruo naga Una wihobi de wingapo. De kanagali Una iwipopoka,

Matius 16:21

Ma solano o orasi magena de o Yesus Awi muri-murika womadedemo wositotiaika, ena gena wotemo onaka, “Ngohi manena bilasu totagi o Yerusalemka. De done o Yahudika manga roriri, o imamka ma bi sahe, de o bi guru agama ona Ngohi iholu, so ona asa isangisara dasiri ma bati itooma de isosone. Ngaroko iaka komagena, duma o wange saangeka de Ngohi tooho kali.”

Rasul 2:23

Imamote de o Gikimoi Awi edekati so wositatapu daboloka, o Yesus bilasu wisidoa nginika, so o Gikimoi wanako done asa isiganapu. De ngini Una niwisidoa o nyawa yatotorouka, de ona niasulo la iwisidasangahadi sidago wosone.

Yohanes 18:35

Ma gubernur wotemo, “Ilaha! Ngohi manena o Yahudika ma nyawa isowo. Ona inisidodoa ngohika magena to Ngona masirete Ani nyawa de lo Ani imam ma bi sahe. So Ngona gena o kia naakaka sidago ona gena Ngona iniholu.”

Yohanes 18:30

De ona itemo, “Pei! Baba, nakoso Una Awi sala ihiwa, de upa lo miwingaho ngonaka.”

Yohanes 18:22

Magena de o jojaga moi Awi dateka gena Una Awi bioko wosidopoka de wotemo, “Ce! Nobarani sidago lo nosango komagena ma Imam Wilalamoka.”

Lukas 23:35

O bi nyawa yadadala yahino imaokono kagena de yotomina. Komagena lo o Yahudika manga roriri wisimade, de yotemo, “Cedeke! O nyawa ma somoa wasisalamati, hika o orasi manena Una Awi rohe masirete de wosisalamati, nakoso igogou Una o Salamati ma Kolano o Gikimoi wihihirika.”

Lukas 23:1

Dabolo de o Mahkamah Agama ona yangodu imaokoye, de o Yesus wingaho de witota ma Gubernur Pilatuska.

Matius 27:2

So Una wipopilikuka, de gila-gila wingaho de witota ma Gubernur Pilatuska.

Yohanes 18:28

Ma goginitano de o Yesus wingaho o Kayafaska, so witailako dabolo de Una wisisala so lebelaha wingaho kali o Romaka manga gubernur moi, awi ronga o Pilatus, awi kadatoka. Duma awi kadato gena imatero de o Yahudika yasowo manga tahu, so o Yahudika manga roriri magena yoholu o kadato ma rabaka yowosa. Upa sidago manga adati de manga galepu gena yatilaku de yatebi kawa, so o Paskah ma rarameka gena aku kawa yamote de yoodo.

Markus 15:1

Ma orasi o goginita nosi, ona o Mahkamah Agama yangodu de o imamka ma bi sahe, de o Yahudika manga roriri, de lo o bi guru agama imatolomu de jai-jai imatekefakati. So o Yesus wipipilikuka, de gila-gila wingaho de witota ma Gubernur Pilatuska.

Matius 20:19

Dabolo de Ngohi asa isidoa kali o nyawa ona magena o Yahudika ma nyawa yasowo, la ona magena igagaka isiihe, de ingangapo, de lo isangahadi. Duma o wange saangeka de Ngohi asa tooho kali.”

Matius 22:6

De lo ma binukali wileleleani magena yatago, de lo yangangapo de ona yatooma.

Lukas 18:33

de ingangapo de lo itooma. Duma o wange saangeka de Ngohi asa tooho kali.”

Yohanes 18:32

Imaaka komagena, la ma ngale idadi de ka imatero maro o kia idomaka o Yesus gena wosingangasu daboloka, done asa idodooha Awi sone ma ngeko.