Lukas 17:34 - O GIKIMOI AWI JAJI ma BUKU

³⁴ Ngohi totemo igogou, o orasi magena daputuku done o nyawa yasinoto imaidu o dangi moika, de wimoi asa iwingaho de moili asa iwidohaka.

Lukas 17:34 Referans Kwoze

2 Petrus 2:9

Sababu o Jou waaka komagena, so ngini aku nianako igogou-gogou Una gena ka waaku nakoso o nyawa yodupa yaaka o bi moi-moi maro Una wodudupa gena, o sangisara ma rabaka lo wasisupu, de nakoso o nyawa yodupawa yaaka o bi moi-moi maro Una wodudupa gena, wabui ma ngale yodamaha ma wange yaado done manga dorou ma sopo wafanggali de o dorou.

Matius 24:25

So bilasu nimasitiari daloha! Sababu o moi-moi dangodu manena Ngohi tinisingangasu idomaka la ngini nianakoka, ngaroko idadi waasi.

Lukas 13:24

“O oho ka sidutu ikakali pamake gena imatero bato o nyawa o ngora ipopenetoka yowosa. Hika ngini manena nianonu o ngora ipopenetoka niwosa, sababu kanaga yadadala lo yasari o ngora magenaka yowosa, duma he yaaku kawa.

Markus 13:23

So bilasu nimasitiari daloha! Sababu o moi-moi dangodu manena Ngohi tinisingangasu idomaka la ngini nianakoka ngaroko idadi waasi.”

Lukas 13:5

Komagenawa bai! Ngohi totemo, nakoso ngini nia dorou nimatobawa de nimatodubawa, de igogou ningodu lo asa nisone, ka imatero maro ona magena.”

Lukas 13:3

Komagenawa bai! Ngohi totemo, nakoso ngini nia dorou nimatobawa de nimatodubawa, de igogou ningodu lo asa nisone, ka imatero maro de ona magena.

Markus 14:29

De o Petrus wotemo, “Hiwa, Baba! Ngaroko ai dodiao ona Ngona nidolodaka, duma ma bati tosone ngohi tonidongosawa, Baba.”

Lukas 17:33

O nyawa nagoona la manga oho o dunia manenaka foloi yosininga sidago isangisara iholu, done ona dede o Gikimoi asa imakitingaka. Duma o nyawa nagoona ma ngale Ngohi imote gena manga oho o duniaka isidoohawa, la ngaroko isone, duma o oho ka sidutu ikakali done asa yamake.

Lukas 17:35

O ngopedeka yasinoto o tamo yotutu ma rabaka, de mimoi asa imingaho de moili asa imidohaka. [