Lukas 17:31 - O GIKIMOI AWI JAJI ma BUKU

³¹ O wange magenaka nagoona la kanaga nia tahu ma ngihi idodokuka lo upa niwosa la nia kia naga moi niadehe, duma ka niuti de nidoloda. De komagena lo nagoona kanaga nia doroka upa niliho la nia kia naga moi niadehe, duma ka niodoloda.

Lukas 17:31 Referans Kwoze

Lukas 21:21

So nakoso niakelelo, de nagoona o Yudea ma daeraka bilasu yoloda o talaye. Nagoona kanaga kota ma rabaka lo bilasu ka yodoloda, de lo nagoona kanaga o kota ma duduka upa he iwosa o kota ma rabaka.

Matius 16:26

Ngaroko o nyawa moi o dunia de ma raba manena he dangodu ka to una, duma dangodu magena ma faida ihiwa, nakoso ma duuru una wamakewa o oho ka sidutu ikakali. Sababu o oho ka sidutu ikakali gena niamakewa de o guraci de o salaka nisitagali, eko lo akuwa niaija de o pipi.

Matius 6:25

“Kanaga de ma sababu so Ngohi totemo nginika, upa nihawateri eko nitemo, ‘O kia asa poodo de poudo.’ Upa he nihawateri eko nitemo, ‘O baju kia asa pomasipake.’ Sababu ngini nia oho ma ngale ilamo gena upa o ino de o baju.