Lukas 17:15 - O GIKIMOI AWI JAJI ma BUKU

¹⁵ Kagena de wipapado moi manga sidongirabano wamalo wilohaka, de una magena asa womakiliho wakahika o Yesuska, de womatoore womaili-ili o Gikimoi wisigiliri.

Lukas 17:15 Referans Kwoze

Yohanes 9:38

De wopipilo kawa magena foloisi winali de wotemo, “Awalele, Jou! Igogou, de tagogou tonipiricaya Ngonaka gena Una magena.” So womabukuku de wisuba Unaka.

Yohanes 5:14

Daboloka, de ona asa imakamake kali o Gikimoi Awi Tahuka, so o Yesus wisingangasu una wisilolohaka magena de wotemo, “Igogou, ani buturu iliho kali. So ngona gena nosanangika. So tanu Ai beseso manena nosigise la ngona gena upa o dorou naaka kali. Ngaroko ani sangisara idodomaka gena ilamo, duma o dorou ma sopo gena ma fanggali lo asa o sangisara foloisi ilamo.”

Matius 9:8

Ma orasi o nyawa yadadala o kia idadadika gena yakelelo, de ona magena yamodo de o Gikimoi wisigiliri itemo, “Igogou! O Gikimoi Awi kuasa komagena ma lamo wahike o nyawaka.”

Markus 2:12

De igogou o nyawa magena womaoko, dabolo de gila-gila awi jongutu watoti de womajobo. Magena de o nyawa yadadala ona magena yohairani de o Gikimoi wisigiliri itemo, “Ma moi waasi pakelelo maro idadi komagenena bai!”