Lukas 16:25 - O GIKIMOI AWI JAJI ma BUKU

²⁵ Duma o Abraham wosango, ‘Ai ngopa, nomasininga: Ma orasi idomaka ka noohosi o duniaka, de o loha dangodu namake, salanta o Lazarus gena ka o dorou wamake. O orasi manena una kanena wosanangi, de nako ngona gena ka nosangisara.

Lukas 16:25 Referans Kwoze

Lukas 6:24

Duma nibodito ngini nikakaya o orasi manena, sababu ngini nia sanangi gena niamake daboloka.

1 Yohanes 2:15

Kanaga o bi nyawa o Gikimoi iwihoholu eko o dunia ma bi moi-moi ona yonyanyafusu gena, upa lo ngini niodupa. Magena maro o nyafusu ma dorou nanga sininga ma rabano ibao, eko o kia naga moi pakokelelo de ponyafusu, eko lo ma ngale de nanga arata so ngone pomacaralamo. Nakoso o bi moi-moi magena la niodupaka, de o Gikimoi gena ngini asa niwidodara kawa. Sababu o bi moi-moi o duniaka magena upa nitemo ma sihino o Baba Gikimoino, magena dasowo. Duma ma sihino gena o bi nyawa Una iwihoholuno.

Markus 9:45

Nakoso de ani dohu la ngona o dorouku notura, hika la nabitoguka! Lebelaha ngona nooho dede o Gikimoi de ani dohu ka ma sononga, upa sidago de ani dohu ngai sinoto de ngona o narakaku asa niumo. [

Roma 8:7

Sababu o nyawa nakoso o dorou ma dupa manga siningaka yososininga, ona magena o Gikimoi iwiholu. Awi bobita yosigisewa de igogou ona magena yaakuwa yosigise.

Filipi 3:19

Ona magena done asa o Gikimoi waumo o narakaku ma bati ka sidutu ikakali. Sababu ona magena o Gikimoi Awi dupa gena yaakawa duma ona manga rohe ma nyafusu gena yodupa yaaka. De o bi moi-moi inasimamade magena ona yaaka de imacaralamo so manga giliri isimane. De lo ona manga siningaka moi-moi imatero de o nyawa o Gikimoi iwihoholu.

Rasul 14:22

O bi doku magegenaka de ona o bi nyawa ipipiricaya yasiduduga la manga piricaya isitatapu o Yesuska, so itemo, “Bilasu ngone inasisangisara idala kasi, de asa powosa o Gikimoi Awi pareta ma rabaka.” Komagena ona manga piricaya isiputuru o bi doku magegenaka.

Ibrani 11:25

Una lo wodupawa o orasi ma cunu de o dorou ma sanangi gena ma rabaka wooho, duma una ka wodupa wamote o Gikimoi Awi nyawa to ona manga sangisara de manga beleso.

1 Tesalonika 3:3

ma ngale ma orasika done o nyawa inisisangisara, de ngini o nyawa moi lo upa he o habari daloloha niodongosa. O Gikimoi Awi dupa ma ngale ngoneka la o nyawa done inasisangisara gena, ngini masirete nianako dabolo.

Gogelelo 7:14

De ngohi tosango totemo, “Baba, ngona noinako ngohi manena gena o kia-kiawa tosihoda, duma o hali moi-moi idadadi magena igogou ngona ka nanako.” Kagena de una wotemo, “O nyawa magena ngaroko o sangisara ilalamo yatapaduka, duma manga piricaya o Yesuska gena yodongosawa, so ona manga juba magena isitiodo de o Duba ma Goho Awi au so idadi daareka.

Yohanes 16:33

O bi moi-moi dangodu magegena Ngohi tinisingangasu nginika, la to ngini nia sininga ma rabaka asa nisanangi. Sababu o dunia manenaka ngini kanaga de nia sangisara de lo nia susa. Duma tanu ngini nimaputuru, sababu o bi kia bato o duniaka o Gikimoi wihoholu gena dangodu Ngohi tasitura daboloka.”

Lukas 16:23

O nyawa isosone manga rihoka una kanaga wosangisara. De ma orasi una womagelelo kadaku ikuruye, pei, o riho moi una wakelelo o Abraham de lo awi dateka o Lazarus wogogeku.

Lukas 16:20

To una awi ngora ma duduka kanaga o nyawa wosususa moi, kagena wisigogeku, una magena awi ronga o Lazarus. Awi rohe ipasiku de o nabo,

Matius 27:63

de itemo, “Baba Gubernur, ngomi miosininga ma orasi wokokulai magena ka woohosi, de Una wotemo, ‘O wange saangeka de Ngohi tooho kali.’

Lukas 16:26

De lo ngona de ngomi nanga sidongiraba kanaga yaaka o dipopa ilalamo moi. So kagena ma nyawa yaakuwa yahino kanena, de lo kanena ma nyawa yaakuwa kagena yahika.’