Lukas 16:20 - O GIKIMOI AWI JAJI ma BUKU

²⁰ To una awi ngora ma duduka kanaga o nyawa wosususa moi, kagena wisigogeku, una magena awi ronga o Lazarus. Awi rohe ipasiku de o nabo,

Lukas 16:20 Referans Kwoze

Rasul 3:2

Kanaga o nyawa wolulugu moi ma orasi ka wisibuo kusi o wange isigeto una magena iwingaho de iwihadoku kagena o ngoraka, kiaka isironga o Ngora Daloloha, la o pipi wogogolo o nyawa nagoona bato itagi isumbayang o Gikimoi Awi Tahu ma lolohaka.

Yakobus 2:5

Ai dodiao nipipiricaya de tinidododara, hika ngini niososininga o nyawa ona magena la kanaga o nyawa o Jou Yesus wipipiricaya waasi asa yasiceke sababu manga alamu idalawa. Ona magena o Gikimoi wahiri daboloka. To ona manga piricaya o Jou Yesuska magena idadi to ona manga kaya moi, imatero o nyawa moi la awi alamu idala magena idadi to una awi kaya. De ona maro o Gikimoi Awi ngopa so ona done asa yowosa de yogoge to Una Awi pareta ma rabaka. Magena maro Awi jaji moi o nyawa ona magenaka, nakoso igogou widodara Unaka.

Yakobus 1:9

Nakoso o dodiao o Jou Yesus wipiricayaka de ona yosusa, sababu manga alamu ikurangi so o nyawa yahoromatiwa, ona magena bilasu yanali. Sababu igogou o Gikimoi Awi simaka o nyawa ona magena ka yolamo.

Lukas 16:21

de awi ngongano gena ka waodo o ino ma reremo, kiaka itutura wokakaya awi mejaku. So awi susa komagena, de o bi kaso lo yahino awi nabo yalade-lade.

Yohanes 11:1

Kanaga o nyawa moi asa wopanyake, una magena awi ronga o Lazarus. Una o Betaniaka ma nyawa de awi bira yasinoto ona lo yogoge o Betania ma dokuka. De awi bira moriria ami ronga ongo Marta de mononongoru ami ronga ongo Maria.

Matius 26:71

Gila-gila una wotagi o loloha ma ngora ma dateka. Kagena de o ngopedeka moili una mowikelelo de masingangasu o bi nyawa kagenadahu motemo, “Cedeke! O nyawa una magena lo o Yesus, o Galilea ma nyawa gena, wimomote.”

Lukas 16:19

“Kanaga o nyawa wokakaya moi, una awi baju maro o kolano manga baju, so dangodu foloi ihahali. De awi oho o wange isigeto gena ka irarame.