Lukas 16:17 - O GIKIMOI AWI JAJI ma BUKU

¹⁷ Duma o Gikimoi Awi bobita moi-moi dangodu magena bilasu idadi kasi, so ma ceceke moi lo akuwa isisa eko itagali. Lebelaha o dipa de o tona pakelelosi gena isisa.

Lukas 16:17 Referans Kwoze

Matius 5:18

Ngini tinisingangasu igogou, idodooha ma deka nakoso o dipa de o tona la ka pakelelosi gena, o Gikimoi Awi bobita dangodu ma rabaka kanaga ma ceceke moi lo akuwa isisa eko itagali, so o moi-moi dangodu magena bilasu idadi kasi.

Lukas 21:33

So o dipa de o tona asa isisa de dalutu, duma Ai demo de Ai dodoto asa itagi gila-gila de ma dodogu ihiwa.”

1 Petrus 1:25

Duma o Jou Awi demo gena itiai de ikokakali.” O kia naga o Jou wodedemo magena o habari daloloha ma ngale o oho ka sidutu ikakali aku pamake, maro kiaka inisihohabari nginika.

Roma 3:31

So nakoso o nyawa kanaga itemo, “Nakoso ngone o Jou Yesus powipiricayaka, so o Gikimoi asa waaka nanga sininga itiai, de nagala ma ngale magena so ngone aku o bobita o Gikimoino gena paumoka, de upa he paaka.” De ngohi tosango, komagenawa bai! Nakoso ngone o Jou Yesus powipiricayaka gena, bilasu o bobita o Gikimoino magena pamote de paaka daloha.

Gogelelo 21:4

So Una asa to ona manga sininga ma susa eko to ona manga o kongo gena, dangodu wapiki so wasisaka. De ona nagoona lo asa yosone kawa, yododora kawa, yoari kawa eko lo yasangisara kawa. Sababu o bi moi-moi idodoma dangodu asa isisaka.”

Gogelelo 21:1

Kagena de asa ngohi takelelo he kanaga o soroga damomuane moi de lo o dunia damomuane moi. Sababu o soroga de o dunia idodoma gena ihiwaka, komagena lo o ngoloto.

Gogelelo 20:11

Kagena de ngohi takelelo kali kanaga o pareta ma kursi daare moi ifoloisi ilamo, de ma dokuka Una womatetengo gena womatamiye. Una Awi simaka o dunia de o soroga gena ihiwaka, sidago lo he pakelelo kawa.

2 Petrus 3:10

Ngaroko Awi sabari komagena, duma igogou wahino gena maro o nyawa moi wototosi o putu itotongirabaka so ka inasitodokano, komagena lo ma wange wositotatapuka o Jou Yesus Kristus wahino kali gena ma orasi yaado, ma ngale o nyawa manga dorou wafanggali de o dorou. De o wange magenaka o dipaka done asa o kuguru ilalamo poise, de o bi moi-moi o dipaka asa isisa, de o bi moi-moi o kia bato gena dangodu-ngodu asa yatupu de yabodito, de lo o dunia manena de ma raba moi-moi yaaakaka lo dangodu asa de o uku isitupu la isisa.