Lukas 16:10 - O GIKIMOI AWI JAJI ma BUKU

¹⁰ O nyawa la o kia naga ka ma cunu gena aku yaaturu yokaeli so yosidailako ma ngale manga oho o orasi ma simaka, ona magena lo asa o kia naga ilalamo lo yaaturu ka yokaeli. De ma ngale o nyawa o kia naga ka ma cunu lo ka yasihaga, ona magena lo asa o kia naga ilalamo lo ka yasihaga.

Lukas 16:10 Referans Kwoze

Matius 25:21

Ma tuangi gena wotemo, ‘Igogou daloha! Ngona manena noleleani nokaeli de daloha. Ma ngale ngona o kia naga ma cunu gena aku naaturu nokaeli, so ngohi lo asa tonitide la o kia naga foloi ilamo ngona najaga. Nahino la o nali ma rabaka nogoge dede ngohi.’

Lukas 19:17

Ma tuangi gena wotemo, ‘Igogou daloha! Ngona ani leleani manena daloha. Ma ngale ngona o kia naga ma cunu gena aku naaturu nokaeli, so ngohi lo asa tonitide la nodadi o kota mogiowo manga bobareta.’

Matius 25:23

Ma tuangi gena wotemo, ‘Ka daloha! Ngona manena noleleani nokaeli de daloha. Ma ngale ngona o kia naga ma cunu gena aku naaturu nokaeli, so ngohi lo asa tonitide la o kia naga ilamo tosidodogu ngonaka. Nahino la o nali ma rabaka nogoge dede ngohi.’

Ibrani 3:2

O Gikimoi Awi manara, kiaka wositatapuka gena, Una magena lo asa waaka wokaeli, ka imatero maro ma nabi Musa waaka wokaeli o Gikimoi Awi tahu waleleani, ena gena o Yahudika ma nyawa yadadalaka.

Yohanes 12:6

Una awi demo ma ngale gena, ngaroko, wosidoohawa o nyawa isususaka, so cawali ma ngale una masireteka, sababu una wodupa watosi. Una magenaka o Yesus Awi muri-muri manga manara ma pipi gena una wisicoho de ma nonoma kasi masoa-masoa kanaga o pipi yatotolomuno gena una watosi.

Yohanes 13:27

O Yudas wadeheka, de kagena asa o Iblis unaka wingosa de iwipareta. De o Yesus wotemo unaka, “O kia naga ngona notetemo la naaka gena, taika la naaka kasi.”

Yohanes 13:2

So daputuku de kanaga ona yoodo de o Iblis idomaka o Yudaska, ena gena o Simon Iskariot ma ngopa, gena wiaka dabolo so wisigurubuka, o aturu datotorou moi kanaga awi sininga ma rabaka itemo, “Ngohi aku o Yesus towisiija.”

Matius 24:45

“Tosiade-ade kali, kanaga woleleleani moi wococawaro de lo awi tuangi awi manara waaka wokaeli. Woleleleani una magena ma tuangi witideka, la wodadi yoleleleani ma binuka manga sahe moi ma ngale manga ino o wange isigeto-geto wositoku.