Lukas 15:24 - O GIKIMOI AWI JAJI ma BUKU

²⁴ Sababu ai ngopa manena maro wosoneka, duma o orasi manena asa wooho kali. Una wisisaka, duma o orasi manena asa towimake kali.’ So ona asa yorarame.

Lukas 15:24 Referans Kwoze

Efesus 2:5

Ma orasi ngone kagenasi pomasitero maro pososone, sababu podupa nanga sala de nanga dorou ma rabaka pogoge, de ma sihino ma Kristus Una magena wonatupu so ngone wonasioho kali. So ka cawali o Gikimoi Awi laha so ngone aku nanga dorouno wonasisalamati.

Kolose 2:13

De ngini o Yahudika ma nyawa nisowo gena, ngaroko nia dupa datotorou nisigise so de o Gikimoi nimarimoiwa, duma ma orasi ma Kristus wisioho kali, de ngini magena lo asa maro winisioho kali. De lo ngone nanga dorou dangodu asa wosiaponguka.

Lukas 19:10

Ma sababu magena, so Ngohi o Nyawa ma Duhutu manena tahino. Ngohi tahino la o nyawa dede o Gikimoi imakitingaka, ona magena tasari de o dorou ma rabano tapalako, maro o duba isisisa tasari sidago tosisalamati.”

Efesus 2:1

Idomaka, kanaga ngini gena o Jou Yesus niwipiricaya waasi, so ngini kanaga pinisitero maro nisosone, sababu niodupa nia sala de nia dorou ma rabaka nigoge.

Lukas 15:4

“Tosiade-ade, kanaga nanga dodiao moi de awi duba o ratu moi. Nakoso o duba ma sidongirabano moi isisa, done o kia asa waaka. Igogou, una asa o duba morisiwo de siwo o doroka gena wadohaka, de wotagi o duba isisisa moi wasari sidago wamake.

Lukas 15:32

Duma ka idadi porarame la imanali de pomore, sababu ani nongoru una magena maro wosoneka, duma o orasi manena asa wooho kali. Una wisisaka, duma o orasi manena asa powimake kali.’ ”

Roma 6:11

Komagena tanu ngini lo nimasininga la nia dupa datotorou masirete inibabaja gena, he niomaha-maha kawa, maro o sone ma bake so o sulo moi lo yaakuwa isigise. Duma ngini de o Yesus Kristus nimarimoika, so tanu ngini o ngeko damomuane ma rabaka nioho la niadupa gena ka o Gikimoi niwisigise.

Roma 8:2

Sababu nakoso de o Yesus Kristus pomarimoika gena, kanaga ma ngeko o Gurumi Datetebi waaku o oho ka sidutu ikakali wonahike ngoneka, so upa he o dorou ma dupa gena posigise kali so ngone de o Gikimoi pomakitinga kali. Maro o gilalo moi de kanaga ma tuangi awi paretano wisisupuka, so upa he ma tuangi iwisigise kali.

Roma 12:15

De nakoso o nyawa kanaga yanali, de bilasu ngini lo ninali. De nakoso o nyawa kanaga ipeleso, de bilasu ngini lo nipeleso.

Yohanes 11:25

Magena de wotemo, “Ngohi manena o nyawa o sone ma rabano asa tasiooho kali de lo o oho ma hutu. O nyawa nagoona la kanaga ipiricaya Ngohi, ngaroko ona isoneka, duma ona magena asa ioho kali.

Efesus 5:14

De o kia bato la kanaga aku yakelelo itiai komagena, gena asa itagali la idadi o nita. Magena ma ngale o demo ma duuruka manena itemo, “Ngona nikokiolo gena hika nomomi, o sone ma rabano nosupu kasi, de ma Kristus Awi nita asa nidisiwa ngonaka.”

1 Korintus 12:26

So nakoso o bobolo moi kanaga dasiri, de o rohe ma bobolo dangodu lo yamalo. De nakoso o bobolo moi kanaga yahoromati, de o rohe ma bobolo dangodu magegena asa isanangi.

1 Timotius 5:6

Nakoso mobabalo moi la ami edekati cawali mamote poli ami sininga ma dupa de ami nyafusu masirete, ngaroko igogou muna ami rohe ioho, duma o Gurumi Datetebi mowimote kawa.

Roma 11:15

Ma orasi o Yahudika ma nyawa gena o Gikimoi waholuka, de waaka so o dunia ma nyawa ma binuka ona magena lo de Una aku imakadame. So nakoso o Yahudika ma nyawa la ma Kristus wipiricayaka, so ona lo o Gikimoi wadehe daloha de magena imatero maro o sone ma rabano ona wasioho kali.

Roma 6:13

De lo ngini bilasu o moi-moi dangodu niaaaka gena upa nimote o dorou moi-moi igoge nia sininga ma rabaka, ma ngale o dorou moi lo upa niaaka. Duma nimote la niaaaka gena maro o kia o Gikimoi wodudupa, la ngini lo imatero de asa ka o sone ma rabano nisioho kali. De o moi-moi nia sininga ma rabaka la niaaaka gena, dangodu nisimaha de nisidailako ma ngale o moi-moi itotiai magena niaaka.

Markus 8:22

O Yesus de Awi muri-muri imasidiado o Betsaidaka, de o nyawa moi wopipilo iwingaho o Yesuska. De o Yesus iwibaja la tanu o nyawa wopipilo una magena iwipada la womasigelelo.

Gogelelo 3:1

“Bilasu o surati moi nalefo kali de nosidingo o gogobu o Sardiska de to ona manga bobaretaka nosingangasu: Ngohi manena de o Gikimoi Awi gurumi tumudingi tapareta de lo o bi ngoma tumudingi gena tacoho. So o demo manena gena Ngohi tinisingangasu nginika. Ngohi tanako ngaroko o nyawa itemo o oho damomuane Ngohino gena ngini niamake, duma igogou ngini niamake kawa.

Yudas 1:12

Ma orasi ngini o gogobu nia dolomu ma odo ma rabaka la o Jou Yesus Awi sone nisosininga, de ona magena ibarani yorarame de ikalala poli, sidago lo ma ngale ona magena ngini lo nimade de nia ronga ma dorou yogaka. De ona yoodo ilamo poli, ka manga rohe masirete yojaga. Kanaga ona manga manara ma sopo ihiwa, maro o bi lobi dataroka duma o paro isisaika so imuurawa. De lo ona maro o gota isosopowa, de ma ngutu lo imasidarapuka so idadi datololeka.

Lukas 10:19

Igogou, Ngohi o kuasa tinihike nginika, la ngini aku niapito o ngihia eko o hai sosolota, de lo nanga saturu manga buturu dangodu-ngodu. O nyawa moi lo asa upa nidabo.

Dodadi 45:28

Wotemo, “We, gena igogou! To ngohi ai ngopa o Yusuf gena ka woohosi. Ngohi bilasu tokahika unaka, la upa sidago tosone de una magena towikelelo lo waali.”

Matius 8:22

Duma o Yesus wosangoli de ka woade-ade wotemo, “Noimote Ngohi bai! Dohaka, la o nyawa isosoneka ona masirete manga dodiao isosone gena asa yapoosu.”

Lukas 9:60

Duma o Yesus wosangoli de ka woade-ade wotemo, “Dohaka, la o nyawa isosoneka ona masirete manga dodiao isosone gena asa yapoosu. Duma ngona gena notagi o habari, ma ngale o Gikimoi asa wopareta maro o kolano moi gena, nosihabari.”

Lukas 15:23

Dabolo de o sapi ma ngopa dasasaki moi niatago de niatola. Hino la poodo porarame de nanga nali ilamo.

Lukas 15:25

O orasi magena o ngopa woriria una magena kanaga o doroka. Ma orasi una woliho de o tahu wadumuka, eh, woise o lipa de o gosoma ma ili de lo yoselo-selo.