Lukas 15:22 - O GIKIMOI AWI JAJI ma BUKU

²² Duma ma baba ileleleani waaso de wotemo onaka, ‘Taika! O baju foloi daloloha niadehe, dabolo de niwisitiba unaka. Awi raragako o ali-ali nisitiba, de komagena lo awi dohu lo niacapatoka.

Lukas 15:22 Referans Kwoze

Gogelelo 6:11

Dabolo de ona magena moi-moika yahike de yasitoku o juba daaare. Dabolo de ibeseso onaka o orasi ma cunu itamahasi, sidago ona manga dodiao o Gikimoi Awi sosulo-sosulo gena yatooma kali la manga dala gena itiai yamote maro o Gikimoi wositatapuka.

Dodadi 41:42

Bolo, de ma kolano awi meterai gena awi ali-ali wohoi de o Yusuf awi raragako wositiba. Wositibaka, de o baju ihahali-hali o Yusuf wihike, de wosulo o Yusuf wisingado, de lo awi toloku o guule guraci isitiba kali.

Gogelelo 19:8

Muna gena o Gikimoi womisimaha la o baju lenan daaare de ma are isiru-siru aku magena momasitiba.” (O baju lenan daaare ma ngale ona gena o Gikimoi Awi nyawa masirete o bi moi-moi itotiai yaaaka.)

Gogelelo 7:9

Magena daboloka, de ato takelelo kali o nyawa kanaga he ka yadadala poli so, ngaroko, paeto lo paakuwa. Ona gena manga sihino o bi bangsa moi-moi, de o bi soa moi-moi, de lo o bi bahasa moi-moino. De kagena o Duba ma Goho de Awi pareta ma kursi ma simaka ona imaokoye, de o juba daaare imasitibaku de lo o tano ma bi soka yacohono.

Roma 8:15

Sababu nako ngini gena Una Awi Gurumi niwimamake gena, ma edekati upa o modo ma rabaka nigoge kali, maro nigilalo so nia tuangi niwimodo. Komagenawa! Duma Awi Gurumi magena niwimake de ma edekati, la waaka so ngini asa nidadi maro Awi ngopa masirete sidago lo niaaku nisitoore nitemo Unaka, “Awalele! Ngona gena to ngohi ai Baba masirete.”

Gogelelo 2:17

He! Ngini nakoso de nia ngauka, tanu niise o kia Ngohi de o Gurumi Datetebi so mitemo o bi gogobu-gogobuka. O nyawa nagoona nakoso o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, so ona magenaka asa Ngohi tahike o ino manna yaiihu, ena gena o kia yadodiahi o sorogaka de lo tahike o teto daaare moi. O teto magenaka kanaga yalefo o ronga damomuane de magena o nyawa nagoona lo yanakowa ka cawali ona masirete yamamake asa yanako.”

Galatia 3:27

Magena igogou de itero, sababu ma orasi ngini niosi, de ngini asa nidadi maro ma Kristus Awi nyawa masirete so Una Awi Gurumi wogoge nia sininga ma rabaka. So ngini maro o Gikimoi Awi ngopaka de o Yahudika manga bobita o Gikimoino gena he inijaga kawa.

Roma 13:14

Duma ngini gena bilasu nidadi maro o Jou Yesus Kristus Awi nyawa masirete so Una Awi Gurumi wopareta nia sininga ma rabaka. So ngini maro o Gikimoi Awi nyawa, so o dorou ma dupa nia siningaka gena niosininga kawa de upa he niamote.

Gogelelo 3:18

So Ngohi todupa tanu ngini Ngohika o guraci ma duhutu nimaija, la ma ngale ngini igogou nikaya. Bilasu Ngohika lo o baju daaare nimaija ma ngale nimasitiba, la upa sidago nimawatoka de aku nisimade. De hika la o sou nimaija Ngohika ma ngale nia lako ipipilo nisisou, la aku ngini igogou nimasigelelo kali.

Efesus 6:15

O habari daloloha, kekiaka o nyawa de o Gikimoi wasikadame, gena bilasu ngini niodupa de nisihabari, magena maro nia capato.

Lukas 15:21

So o ngopa magena wotemo, ‘Baba, ngohi kanaga de ai sala o Gikimoika de lo ngonaka. Idadi kawa ngohi manena noieto ani ngopa.’

Lukas 15:23

Dabolo de o sapi ma ngopa dasasaki moi niatago de niatola. Hino la poodo porarame de nanga nali ilamo.