Lukas 15:10 - O GIKIMOI AWI JAJI ma BUKU

¹⁰ Komagena lo o Gikimoi Awi malaikat-malaikat yanali sababu o nyawa moi, nakoso awi dorou eko ami dorou imatoba de imatoduba.”

Lukas 15:10 Referans Kwoze

Lukas 15:7

Ngohi totemo, nakoso o nyawa moi la kanaga de awi dorou eko de ami dorou so una eko muna magena imatoba de imatoduba, de o sorogaka asa o nali ilamo, de lo o nali magena asa foloi ilamo de o nali ma ngale o nyawa yamorisiwo de siwo, kiaka manga sininga itotiai so upa he imatoba de imatoduba.”

2 Korintus 7:10

Nako o sininga ma beleso kiaka pamomote o Gikimoi Awi edekati, gena ma ngale nanga dorou pomatoba de pomatoduba, so done aku ngone wonasisalamati. De o sininga ma beleso maro komagena gena upa he pomatoduba. Duma nako o sininga ma beleso kiaka kanaga o nyawa o Gikimoi wihoholuka, gena ma ngale lo ihiwa la nanga dorou pomatoba de pomatodubaka, so idadi ka cawali ngone dede o Gikimoi pomakitingaka.

Lukas 13:5

Komagenawa bai! Ngohi totemo, nakoso ngini nia dorou nimatobawa de nimatodubawa, de igogou ningodu lo asa nisone, ka imatero maro ona magena.”

Matius 18:14

Komagena lo nia Baba o sorogaka, Una magena wodupawa nakoso o ngopa ma ceceke moi maro manena dede Una imakitingaka.”

Ibrani 1:14

So nako o bi malaikat ona magena, yangodu o Gikimoi Awi leleani kiaka wasusulo la ona itagi ma ngale o nyawa nagoona done Una wasisalamati gena, ona yaleleani.

Rasul 11:18

Komagena ona iise dabolo, de ona he ikalekono kawa, so gila-gila o Gikimoi wigilirika, de itemo, “Nakoso komagena, o Yahudika ma bi nyawa yasowo lo o Gikimoi wasimaha ona itoba de imatoduba la manga oho ikakali bai!”

Lukas 7:47

So ma ngale ami dodara ilalamo magena, so igogou-gogou ami dorou idadala gena isiaponguka. Duma o nyawa la kanaga manga dorou isiapongu de ka ma cunu, de ona magena lo yadodara ka ma cunu.”

Matius 18:10

So nimasidodiahi! Upa o ngopa ma ceceke moi lo maro o ngopa manena niasidoohawa. Sababu igogou-gogou to ona manga bi malaikat yajajaga o sorogaka, ona gena salalu kanaga Ai Baba Awi simaka. [

Filemon 1:15

Nagala o Gikimoi Awi dupa so o Onesimus wonidongosa, la ma ngale una magena asa o Jou Yesus wipiricayaka, de itekawa done woliho kali la una wogoge dede ngona de ma deka ma bati lo ihiwa.

Rasul 5:19

Duma daputuku de o Jou Awi malaikat moi yahino o bui ma ngora yapelenga de yangaho so yasisupu o buino. So kagena de o malaikat magena yasulo onaka,

Matius 10:32

Nagoona kanaga o nyawaka isingangasu igogou ona Ngohi imomoteka, de Ngohi lo asa tasingangasu ona Ai Baba o sorogaka totemo, ‘O nyawa ona manena to Ngohi Ai nyawa imomoteka.’

Lukas 12:8

“Ngohi totemo, nagoona kanaga o nyawaka isingangasu igogou ona Ngohi imomoteka, de Ngohi o Nyawa ma Duhutu lo asa tasingangasu ona o Gikimoi Awi malaikat-malaikat manga simaka totemo, ‘O nyawa ona manena to Ngohi Ai nyawa imomoteka.’

Lukas 12:9

Duma nagoona la kanaga yomanosu, yotemo Ngohi inakowa, de ona lo o Gikimoi Awi malaikat-malaikat manga simaka Ngohi asa tomanosu de totemo, ‘O nyawa ona manena to Ngohi Ai nyawa imomote yasowo.’

Lukas 15:9

Ma orasi muna o pipi magena mamakeka, de asa maaso ami dodiao de lo ami nyawa imakokadateka, de motemo onaka, ‘Hino la ninali dede ngohi. Sababu ai pipi moi isisisa magena tamake kali.’

Lukas 15:11

So o Yesus wotemo kali, “Kanaga o nyawa moi de awi ngopa yanau yasinoto.