Lukas 14:27 - O GIKIMOI AWI JAJI ma BUKU

²⁷ De lo o nyawa nagoona la imote Ngohi, ona magena imatero maro o nyawa moi la kanaga wadehe daloha la ma ngale Ngohi woimote, so igogou o sangisara wamoku eko lo nagala wosone. So nagoona imasidailakowa yasangisara komagena, de yaakuwa ona magena yodadi to Ngohi Ai nyawa imomote.”

Lukas 14:27 Referans Kwoze

Matius 10:38

De lo o nyawa nagoona la imote Ngohi, ona magena imatero maro o nyawa moi la kanaga wadehe daloha la ma ngale Ngohi woimote, so igogou o sangisara wamoku eko lo nagala wosone. So nagoona imasidailakowa yasangisara komagena, de yaakuwa ona magena yodadi to Ngohi Ai nyawa imomote.

Markus 10:21

O Yesus iwitailako o nyawa una magena, de wigalusiri so wotemo, “Cawali o ngai moisi naaka waasi. Notagi kasi la ani kia bato nosiija de ma pipi o nyawa isususaka nasitoku, la ngona asa namake o arata ma duhutu o sorogaka. Daboloka, de nahino la noimote Ngohi.”

2 Timotius 3:12

Igogou de itero, o nyawa nagoona maro ngohi la manga dupa imarimoi de o Yesus Kristus so yaaka itotiai maro o kia o Gikimoi wodudupa, ona magena lo o bi nyawa ma somoa asa yasisangisara.

Rasul 14:22

O bi doku magegenaka de ona o bi nyawa ipipiricaya yasiduduga la manga piricaya isitatapu o Yesuska, so itemo, “Bilasu ngone inasisangisara idala kasi, de asa powosa o Gikimoi Awi pareta ma rabaka.” Komagena ona manga piricaya isiputuru o bi doku magegenaka.

Matius 13:21

Duma koloko ma ngutu ilukukuwa, so ona yopiricaya itekawa. So de o susa yamake de ma ngale o habari daloloha so yasisangisara, de gila-gila ona ma Jou wipalako so imakiliho de ikafirika.

2 Timotius 1:12

so ngaroko ngohi o bui ma rabaka isangisara, duma ngohi imadewa. Sababu igogou ngohi o Yesus Kristus towipiricaya de towingaku igogou Una aku wadiahi o habari daloloha kiaka Una woihihike ngohika la tosihabari sidago ma orasi Una wahino kali.

Yohanes 19:17

Iwingahoka, de Awi sangahadi gena Una masirete wamoku so o kotaka de isupu itagi o riho moika isironga o Sahe ma Papala ma Riho, gena nakoso o bahasa Ibrani isironga o Golgota.

Markus 15:21

Kagena de ona itagi so yahika o ngeko ma soaka, de o Kirene ma nyawa moi, o Aleksander de o Rufus manga baba, awi ronga o Simon wimake. O nyawa una magena asa o soano wokahino de wokahika o kotaka, de wigegego o Yesus Awi sangahadi wamoku.

Lukas 14:28

“Nakoso o nyawa moi nia sidongirabaka wodupa o tahu moi o falagaku ikukuruye wosigoko, una magena bilasu wogogeku la idoma waeto kasi o tahu maro komagena ma ija o kiamoi, la aku wanako awi pipi gena igogou yaado eko hiwa.