Lukas 14:18 - O GIKIMOI AWI JAJI ma BUKU

¹⁸ Duma yakokoro ona magena yangodu yoholu yahika. Ma nonoma wotemo, ‘Ngohi kangano manena o tona taijaka, so bilasu totagi tatailako kasi. Upa lo ani sininga ikurangi.’

Lukas 14:18 Referans Kwoze

Lukas 18:24

La o Yesus winano una awi sininga ipeleso, so wotemo, “Igogou! Isusa icarawa o nyawa ikakaya o Gikimoi iwisigise la iwosa Awi pareta ma rabaka.

2 Timotius 4:4

Komagena ona asa yoise iholu o dodoto itotiai de cawali yodupa isigise ka o dodoto ma jarita ifufuma.

Yohanes 5:40

duma ngini gena niahino niholu Ngohika ma ngale o oho magena aku niamake.

Yohanes 1:11

So Una asa wahino to Una Awi doku masireteka, duma Awi doku ma bi nyawa, ena gena o Yahudika ma nyawa, ona iwiholu.

Lukas 8:14

O gisisi ma binuka itutura o tona datototopoku so o totopo yalalo so isoneka, gena imatero bato o nyawa o habari daloloha magena yoiseka. Duma manga sininga ihawateri ma ngale manga oho duniaka ma rabaka, de yodupa yokaya, de lo yodupa o sanangi ma rabaka igoge. Komagena o Gikimoi Awi demo yosingou kawa, de o manara daloloha lo yodupa kawa.

Ibrani 12:16

De lo nimasidodiahi la upa sidago nginino kanaga o nyawa moi lo o nyafusu ma dorou nidupa niaaka. De upa sidago lo niaaka maro o Esau idodomaka, sababu o Gikimoi Awi laha unaka he wafaduliwa, so awi ria ma haku o Gikimoi Awi laha wamake gena wositagali de ma nongoru awi ino o kupuo.

2 Timotius 4:10

Sababu o Demas winyafusu ilamo o bi moi-moi o duniaka kiaka o Gikimoi wodudupawa, so una ngohi woidongosaka de wotagi o Tesalonika ma kotaka. De o Kreskes una magena lo womajoboka la wotagi wosihabari o Galatia ma daeraka, de o Titus womajoboka la wotagi wosihabari o Dalmatia ma daeraka.

Lukas 14:17

Wosidailako daboloka, de una magena wasulo awi nyawa wileleleani moika la una wotagi wadedemo o nyawa yakokoro ona magenaka, ‘Hino, la potagi o odo ma rarameka, sababu dangodu isidailako daboloka.’

Lukas 14:19

Moili wotemo, ‘Ngohi kangano manena o sapi sabi motoha taijaka, so todupa totagi kasi tadahake ai doro tapajeko. Upa lo ani sininga ikurangi.’

Filipi 3:4

So ngohi lo topiricayawa maro nanga rohe lo bilasu de ma bobita, ngaroko aku potemo ngohi de ai sababu la topiricaya. Duma nako o nyawa moi de kanaga aku yotemo, “Ngohi topiricaya nanga rohe ma bobita de ma sihino so tanu o Gikimoi asa woisininga maro Awi nyawa moi,” de magena ngohi lo aku foloisi tasitemo.