Lukas 14:15 - O GIKIMOI AWI JAJI ma BUKU

¹⁵ Ona yoodo, kagena de wikokoro moi ma orasi o Yesus Awi demo magena woise, de una magena wotemo, “Nakoso o nyawa yakoro la yoodo dede o Gikimoi kagena Awi pareta ma rabaka, done ona magena asa yosanangi bai!”

Lukas 14:15 Referans Kwoze

Gogelelo 19:9

Dabolo de o malaikat moili wotemo ngohika, “O nyawa la kanaga yakoro de yahino o Duba ma Goho Awi kawi ma rarameka, ona magena igogou de manga sininga isosanangi. Magena hika nalefo. O demo magena ka igogou o Gikimoi Awi demo.”

Lukas 22:30

Komagena so done ma orasi Ngohi todadi o Kolano to Ngohi Ai pareta ma rabaka, de ngini lo asa nikoro la niodo de porarame dede Ngohi, de lo asa nimatamiye o bi pareta ma kursika ma ngale o Israelka manga soa yamogiowo de sinoto gena niapareta.”

Lukas 13:29

Done o orasi magena lo de o bi Yahudika ma nyawa yasowo, ona magena lo yadala asa yodadika o Gikimoi Awi nyawa gena yogoge Awi pareta ma rabaka. Ona gena manga sihino o wange ma siwano, de lo o wange ma dumuno, de lo o dunia ma sigilolino, de kagena ona asa imatamiye irarame.

Matius 25:10

So yofufuma magena yotagi o gososo imaija. So ona yotagi de wokakawi womasidiadoka. Yococawaro yamotoha ona magena, ma ngale manga silo yosidailakoka, so jai-jai ona de wokakawi yowosa imakomote o rarame ma tahuka, de ma ngora he yaperesuka.

Lukas 12:37

Ileleleani asa yosanangi nakoso ma tuangi woliho de wamake ona magena yojaga de iwidamaha. Sababu o tuangi una magena asa womasidailako womaaka maro o leleani moi, so wasitamiye la ona waleleani.

Matius 8:11

So Ngohi tinisingangasu ma ngale ngini aku nianako gena, done o orasi ma simaka o Gikimoi asa wodadi wokolano, de yadala o bi Yahudika ma nyawa yasowo ona magena asa yodadi Awi nyawa to Una Awi pareta ma rabaka. Ona magena manga sihino o wange ma siwano de lo o wange ma dumuno, de ona asa imatamiye irarame dede o Abraham, o Ishak, de lo o Yakub, ona gena o Yahudika manga ete de manga topora idodomaka.

Lukas 22:16

Sababu Ngohi totemo, igogou Ngohi asa toodo kawa o Paskah ma ino manena sidago idadi la poodoli done o orasi ma simaka, nakoso o Gikimoi wopareta maro o kolano moi o duniaka.”