Lukas 14:14 - O GIKIMOI AWI JAJI ma BUKU

¹⁴ Nako komagena, de o Gikimoi asa Awi laha wonisidumu ngonaka, sababu o nyawa maro ona magena ani manara yaakuwa yafanggali. So ma orasi imasidiado o nyawa manga sininga itotiai done wasioho kali, de ngona ani manara ma sopo magena asa wafanggali.”

Lukas 14:14 Referans Kwoze

Rasul 24:15

De ngohi tongongano, maro o nyawa ona manena ani simaka lo, igogou o Gikimoi asa waaka bai o nyawa ma dorou de o nyawa manga sininga itotiai ona yangodu asa isoneka duma asa ioho kali.

Yohanes 5:29

So ona asa o sone ma rabano yatide, de ona manga manara daloloha asa yasimomi ma ngale yasioho kali de yamake o oho ka sidutu ikakali, duma ona manga manara datotorou asa yasimomi ma ngale yasisala de ona dede o Gikimoi imakitinga ikokakali.

Matius 6:4

Foloi daloha nia manara gena o nyawa moi lo upa yanako, ka cawali nia Baba o sorogaka wanako. To ngini nia gogoho o nyawa yananakowa gena Una wakelelo, de asa ngini winifanggali.”

Lukas 14:13

So nakoso ngona o odo ma rarame naaka, de hika naaso o bi nyawa isususa, o nyawa manga dohu isosoneka, ibilulugu, de lo ibipipilo.