Lukas 14:13 - O GIKIMOI AWI JAJI ma BUKU

¹³ So nakoso ngona o odo ma rarame naaka, de hika naaso o bi nyawa isususa, o nyawa manga dohu isosoneka, ibilulugu, de lo ibipipilo.

Lukas 14:13 Referans Kwoze

Lukas 14:21

So awi nyawa wileleleani una magena woliho awi tuangika wodedemo. Igogou, o tuangi una magena wongamo de wotemo woleleleanika, ‘Notagi bato o bi ngeko ilalamoka de lo ipopenetoka, de o nyawa kia bato namamake ona isususa, ona manga dohu isosoneka, ibilulugu de lo ibipipilo yangodu nangaho la ona yahino nonena.’ Magena de woleleleani una magena wotagi awi tuangi awi sulo gena waaka.

Ibrani 13:2

Upa niawosa la niodupa o nyawa ma somoa niaaso imasidodogu nia tahuka, sababu kanaga o nyawa yamuruo naga gena o Jou Awi malaikat yaaso imasidodogu manga tahuka, duma igogou o malaikat magena ona yanakowa.

Matius 22:10

Magena de wileleleani ona magena yotagi o bi ngekoka, la o nyawa yamamake yangodu yatolomu, ngaroko o nyawa ma loha eko o nyawa ma dorou gena, dadoohawa. So ma duduuruka de ma rarame ma tahu magena asa iwedoka de o nyawa yakokoro.

1 Timotius 5:10

De bilasu muna magena lo o nyawa minako o orasi isigeto-geto ka o loha maaka. Komagena bilasu muna ami ngopa-ngopa mapalihara dalohaka, de modupa maaso o nyawa ma somoa imasidodogu ami tahuka, de lo modupa maleleani o bi nyawa o Yesus wipipiricaya de ami sininga ma loha o bi nyawa isususaka. So komagena muna foloi modupa o loha moi-moi dangodu gena maaka mokaeli.

1 Timotius 3:2

So o bobareta moi bilasu awi moi-moi waaaka ma rabaka gena o nyawa lo yaakuwa iwikalaki. Komagena una bilasu ma pedeka ka momatengo de upa o ngopedeka ma somoa wadupali, de awi sininga de awi rohe ma nyafusu gena wapareta daloha, de awi sininga wapareta itiai so o nyawa aku iwihoromati, de wodupa waaso o nyawa ma somoa imasidodogu awi tahuka de lo una aku o nyawa wadoto itiai.

Titus 1:8

Duma una bilasu wodupa o nyawa ma somoa wasigaro la imasidodogu awi tahuka, awi sininga de awi rohe ma nyafusu gena wapareta daloha, de awi dupa o orasi isigeto-geto cawali o kia naga daloloha, awi sininga watuga itotiai, so o dorou moi lo upa waaka duma o moi-moi o kia itotiai wodupa waaka.

Filemon 1:7

So ngohi foloi inali de ai sininga lo foloi daputuru, sababu ngona ai dodiao nopipiricaya asa nadodara o Gikimoi Awi nyawaka de komagena ngona lo manga sininga nosiputuru.

Rasul 9:39

O Petrus gila-gila womasidailako so wotagi wamote o nyawa yasinoto magena. So imasidiadoka, de o Petrus wingaho o ngihi magenaka. Kagena ibabalo yangodu iwisigilolino, idodora de iwisimane unaka kiaka muna mosone waasi de o bi baju maguri so mahike onaka.

Lukas 11:41

Bilasu o kia naga nia udo-udo de nia lelenga ma rabaka gena niahike idoma kasi o bi nyawa isususaka, la nia sininga ma rabaka dangodu lo idadi datebi de daloha.

Matius 15:30

O nyawa yadala icarawa yahino Unaka, o nyawa ibipopanyake lo yatotota Unaka, kanaga manga dohu isosoneka, ibipipilo, ibilulugu, de ibimomou de lo ma binukasi o panyake ma somoa. O bi nyawa ibipopanyake gena yasiidusa to Una Awi simaka de Una ona wasiloha.

Lukas 14:12

Dabolo de o Yesus lo wotemo o tahu ma duhutu una magenaka, “Ma orasi ngona o nyawa nakoro ani odo ma rarameka, ngaroko o wangeka ma odo eko o putuka ma odo, upa sidago nakoro ani dodiao, ani gianongoru, eko ani awabira eko lo ikakaya o kotano. Sababu igogou ona magena done asa ngona inikoroli, so komagena ngona inifanggalika.

Lukas 14:14

Nako komagena, de o Gikimoi asa Awi laha wonisidumu ngonaka, sababu o nyawa maro ona magena ani manara yaakuwa yafanggali. So ma orasi imasidiado o nyawa manga sininga itotiai done wasioho kali, de ngona ani manara ma sopo magena asa wafanggali.”