Lukas 14:11 - O GIKIMOI AWI JAJI ma BUKU

¹¹ Sababu o nyawa la kanaga imasihie, ona magena o Gikimoi asa wasiceke, de lo o nyawa la kanaga imasiceke, ona magena o Gikimoi asa wasilamo.”

Lukas 14:11 Referans Kwoze

Lukas 18:14

O Yesus Awi demo sidago kagena de wotemoli, “Ngohi totemo, igogou o Farisi ma nyawa wisowo, duma o balastengi wototolomu una magena ma orasi woliho awi tahuka, de awi sininga asa idadi itiai o Gikimoi Awi simaka. Sababu o nyawa la kanaga imasihie, ona magena o Gikimoi asa wasiceke, duma o nyawa la kanaga imasiceke, ona magena o Gikimoi asa wasilamo.”

Matius 23:12

O nyawa la kanaga imasihie, ona magena o Gikimoi asa wasiceke, de lo o nyawa la kanaga imasiceke, ona magena o Gikimoi asa wasilamo.

Yakobus 4:6

De lo Una Awi laha asa ifoloisi ilamo ngoneka la wonariwo, so upa sidago ngone Una powidongosa, maro o Gikimoi Awi Jaji ma Buku ma rabaka isilefo itemo, “O Gikimoi asa o nyawa imacacaralamo ona magena walawangi, duma ona manga sininga damomuudu, ona magenaka asa wodupa Awi laha wosidumu de wariwo.”

1 Petrus 5:5

Komagena lo ngini nigohiduurusi tinisisitiari, ngini bilasu niasigise nia roriri ona magenaka. De ngini o bi gogobu ningodu bilasu nimatekeleleani de nia sininga damuudu moi de moika. Sababu o Gikimoi Awi Jaji ma Buku ma rabaka isilefoka itemo, “O Gikimoi asa o nyawa imacacaralamo de imasihie ona magena walawangi, duma ona manga sininga damomuudu, ona magenaka asa wodupa Awi laha wosidumu de wariwo.”

Yakobus 4:10

Komagena so nakoso ngini la kagena o Jou Awi simaka de upa nia sininga imahie, done Una lo asa ngini winitide.

Lukas 1:51

Una de Awi kuasa so awi manara moi-moi ikokuasa aku waaka, ena gena o nyawa imasihie ona magena wasikitinga la manga edekati gena upa idadi.

Lukas 1:52

Una aku o bi kolano ona magena manga kuasa wasisa. Una aku o bi nyawa imahadoku ona magena watide.

Lukas 14:12

Dabolo de o Yesus lo wotemo o tahu ma duhutu una magenaka, “Ma orasi ngona o nyawa nakoro ani odo ma rarameka, ngaroko o wangeka ma odo eko o putuka ma odo, upa sidago nakoro ani dodiao, ani gianongoru, eko ani awabira eko lo ikakaya o kotano. Sababu igogou ona magena done asa ngona inikoroli, so komagena ngona inifanggalika.

Yakobus 1:9

Nakoso o dodiao o Jou Yesus wipiricayaka de ona yosusa, sababu manga alamu ikurangi so o nyawa yahoromatiwa, ona magena bilasu yanali. Sababu igogou o Gikimoi Awi simaka o nyawa ona magena ka yolamo.

1 Petrus 5:6

So ngini ningodu upa nimacaralamo, duma de nia sininga damomuudu bilasu nimahadoku o Gikimoi wokokuasa Awi simaka, la done ma orasi wositotatapuka imasidiado, Una done asa ngini winisihoromati.