Lukas 13:4 - O GIKIMOI AWI JAJI ma BUKU

⁴ Komagena lo yamogiowo de tupaange yosoneka, ma orasi o Siloamka o tahu o falagaku moi ikukuruye yaduruba onaku so ona yosone, de nagala magena nia sininga ma rabaka nia fikiri isala so nitemo, to ona manga dorou magena foloi ilamo de o Yerusalemka ma bi nyawa yangodu.

Lukas 13:4 Referans Kwoze

Yohanes 9:11

So kagena de una wotemo onaka, “Kangano o nyawa moi kanaga Awi ronga gena o Yesus, Una magena waaka. Ena gena, Una o tona wadehe de wosicapu, daboloka de Una wosipalasa ai lakoka. So daboloka, de woisulo ngohika wotemo, ‘Hika notagi o Siloam ma ke ma lepaka, la de o ake magena ani bio nosimasau kasi.’ So ngohi totagi de ngohi taaka maro Una wobobeseso ngohika, ai bio de o ake magena tosomasau, kagena de asa aku tomasigeleloka.”

Yohanes 9:7

Wosipalasa daboloka, de wopipilo magenaka wotemo, “Hika notagi o Siloam ma ake ma lepaka, de o ake magena ani bio nosimasau kasi.” (Manga demo o Siloam gena ma ngale ‘o ake isiuhi o taboko’.) So wopipilo una magena wotagi wokahika o ake magenaka. Ato awi bio de o ake wosimasauka, de aku womasigeleloka so woliho de awi lako ipilo kawa.

Matius 18:24

Ma nonomaka o gilalo moi awi nagi o pipi gena idala icarawa una magena wisirisima ma kolanoka.

Matius 6:12

De to ngomi mia dorou tanu nosiapongu, imatero maro ngomi lo o nyawa manga dorou gena miasiapongu.

Lukas 11:4

De to ngomi mia dorou tanu nosiapongu, sababu ngomi lo o nyawa manga dorou gena miasiapongu. Upa nosimaha la o dorou imibaja ngomika.’ ”

Lukas 13:3

Komagenawa bai! Ngohi totemo, nakoso ngini nia dorou nimatobawa de nimatodubawa, de igogou ningodu lo asa nisone, ka imatero maro de ona magena.

Lukas 13:5

Komagenawa bai! Ngohi totemo, nakoso ngini nia dorou nimatobawa de nimatodubawa, de igogou ningodu lo asa nisone, ka imatero maro ona magena.”

Rasul 28:4

So o orasi magena o gura ma nyawa yakelelo o Paulus awi giaka o ngihia moi ka ililikoka, de ona itemo moi de moika, “Ngaroko o nyawa una manena o teoka wisisalamati, duma awi giki ma duhutu wisifanggali itiai so wisimahawa wooho, sababu o nyawa una manena nagala idodoma wototooma.”