Lukas 13:29 - O GIKIMOI AWI JAJI ma BUKU

²⁹ Done o orasi magena lo de o bi Yahudika ma nyawa yasowo, ona magena lo yadala asa yodadika o Gikimoi Awi nyawa gena yogoge Awi pareta ma rabaka. Ona gena manga sihino o wange ma siwano, de lo o wange ma dumuno, de lo o dunia ma sigilolino, de kagena ona asa imatamiye irarame.

Lukas 13:29 Referans Kwoze

Rasul 28:28

Ai dodiao nipipiricaya, bilasu nianako o habari daloloha ma ngale o Gikimoi o bi nyawa wasisalamati gena Una wosuloka, so o Yahudika ma nyawa yasowo lo yasihabari daboloka, de ona lo asa yamote de isigise daloha bai!” [

Dodadi 28:14

Ani ngopa, de ani danoku, de lo galaweweku o orasi ma simaka done asa manga dala maro o dowongi o teo ma dateka. So done asa ifero de yodobiau, de lo yapareta o wange ma siwa, o wange ma dumu, o koresara sidago lo o koremiaka. So de ma ngale ngona, de ani ngopa, de ani dano sidago lo ani galaweweku o bi nyawa yangodu o dunia ma dokuka asa o Jou Awi laha wosidumu.

Kolose 1:23

Ngini asa nitebika, hitilahi o dodoto itotiai gena ngini niapiricaya daputuru sidago lo nia piricaya gena nisitatapu igogou. Upa sidago nia ngongano o dodoto itotiai inisihohabarika gena ngini niodongosa. O dodoto itotiai magena isihabari dabolo o nyawa yadadala o dunia ma dokuka, de ma ngale o dodoto magena ngohi manena Paulus lo ai manara tosihohabari moi.

Markus 13:27

To Ngohi Ai malaikat tasulo la itagi yatolomu to Ngohi Ai nyawa yangodu o Gikimoi wahihirika, o dunia ma pupuku ihaka sidago o dunia de o dipa ma batika.”

Matius 8:11

So Ngohi tinisingangasu ma ngale ngini aku nianako gena, done o orasi ma simaka o Gikimoi asa wodadi wokolano, de yadala o bi Yahudika ma nyawa yasowo ona magena asa yodadi Awi nyawa to Una Awi pareta ma rabaka. Ona magena manga sihino o wange ma siwano de lo o wange ma dumuno, de ona asa imatamiye irarame dede o Abraham, o Ishak, de lo o Yakub, ona gena o Yahudika manga ete de manga topora idodomaka.

Kolose 1:6

Maro o habari daloloha gena isopo so yosihabari o dunia ma bi nyawaka so o bi nyawa ipipiricaya manga dala gena foloisi idogo-dogo o dunia ma sigilolika, komagena lo idadi to ngini nia sidongirabaka, sidago lo ma noma-noma o dodoto magena o Epafras ngini winidoto so o Gikimoi Awi laha aku nianako itiai de kanaga ngini lo asa niopiricaya. Una o Epafras gena miwidodaraka, de una lo mia dodiao moi mimomanara de lo ma ngale ngini ma Kristus iwileleani wokaeli.

Lukas 13:30

Igogou, o orasi ma simaka de o nyawa yadala ibitotuuruno done asa ibidodoma kali, so o orasi manena o nyawa yadala o orasi manena idodomaka done asa itotuuru kali.”