Lukas 12:22 - O GIKIMOI AWI JAJI ma BUKU

²² O Yesus wotemo Awi muri-murika, “Kanaga de ma sababu so Ngohi totemo nginika, upa nihawateri eko nitemo, ‘O kia asa poodo.’ Upa he nihawateri eko nitemo, ‘O baju kia asa pomasipake.’

Lukas 12:22 Referans Kwoze

Filipi 4:6

De ngohi todupa lo ma ngale ngini gena o kia naga moi lo upa nihawateri, duma o hali moi-moi ma rabaka o orasi isigeto-geto nia sumbayang niatide o Gikimoika, la kanaga o kia ikurangi gena nigolo de nitemo, “Ya, Jou! Igogou, Ngona asa ngomi nomiriwo sababu Ani laha ka ilamo poli!”

Ibrani 13:5

De lo upa o pipi foloi niodesere, duma o kia de maena bilasu nisanangi. Sababu kanaga o Gikimoi wotemoka, “Ngohi asa ma moiwa tonidongosa ngona.”

1 Korintus 7:32

Ngohi tongongano gena ngini nia sininga magena he isusa kawa. O nyawa moi la kanaga womodoka waasi, una magena wodupa wosininga cawali o Jou Awi manara gena idodooha aku o Jou iwisisanangi.

Lukas 12:29

Komagena so upa ka cawali o kia asa niodo de niudo magena bato niososininga. Upa he nihawateri.

Lukas 12:11

Nakoso ngini iningaho o puji ma bi tahuka, de inikalaki nagoona ipopareta manga simaka, upa lo nimodo ma ngale o kia bilasu ngini nisango.

Lukas 12:23

Sababu ngini nia oho ma ngale ilamo gena upa o ino de o baju.