Lukas 12:17 - O GIKIMOI AWI JAJI ma BUKU

¹⁷ Una awi sininga ma rabaka wotemo, ‘Awalele! Ngohi gena o kiasi taaka. Ai pola gena ilamowa, so ka daceke poli la ai tona ma hasil magena tadiahi.

Lukas 12:17 Referans Kwoze

Matius 5:42

De lo nakoso kanaga nia arata moi la o nyawa ma somoa yagolo, de hika niahike onaka. De upa lo nisikusu nia moi-moi, nakoso o bi nyawa yodupa yabau nginino.”

1 Yohanes 3:16

Ngone asa panako o dodara itotiai gena ma ngale idodooha, sababu ka cawali ma ngale ngone gena ma Kristus wodupa wosone. Mutuwade ma ngale ona nanga dodiao ma Kristus wipipiricayaka gena padodara itotiai, so bilasu ngone lo o sangisara podupa pamoku ma bati posone.

Roma 12:13

De nakoso Una Awi nyawa manga oho ikurangi gena, bilasu o kia naga nginika magena nimakeregu de ona. De bilasu niodupa niaaso o nyawa ma somoa imasidodogu nia tahuka.

Rasul 16:30

So kagena de una wangaho ona so wasisupuno, de wotemo, “Baba-baba, o kia bilasu ngohi taaka la o Gikimoi asa woisisalamati.”

Lukas 19:17

Ma tuangi gena wotemo, ‘Igogou daloha! Ngona ani leleani manena daloha. Ma ngale ngona o kia naga ma cunu gena aku naaturu nokaeli, so ngohi lo asa tonitide la nodadi o kota mogiowo manga bobareta.’

Lukas 18:22

O Yesus woise komagena, de wotemo, “Cawali o ngai moisi naaka waasi. Notagi kasi la ani ronga moi ani tahu ma rabaka nosiija de ma pipi o nyawa isususaka nasitoku, la ngona asa namake o arata ma duhutu o sorogaka. Daboloka, de nahino la noimote Ngohi.”

Lukas 16:9

Komagena so Ngohi totemo nginika, o kaya o dunia manenaka ngini bilasu niapake la o nyawa niariwo, ma ngale ma orasi done o kaya magena isisaka, de ngini manena asa nidehe daloha o riho ikokakalika kagena o sorogaka.

1 Timotius 6:17

Ngona nasulo o bi nyawa ikakaya upa ona imacaralamo, de nadoto upa lo manga kaya magenaka ona imasingongano. Sababu o nyawa lo yahiwa manga kaya ma deka gena aku yanako. Duma manga ngongano gena bilasu o Gikimoika, sababu Una de to Una Awi moi-moi wonahike dangoduka ma ngale ngone inanali.

Rasul 2:37

Ma orasi o nyawa ona magena yoise o demo magegena, ona manga sininga yaruwaheka. So ona imasano o Petruska de o bi rasul ma somoaka itemo, “O gianongoru, so ngomi manena bilasu o kia miaaka ma ngale mia manara datotorou magena.”

Lukas 16:3

O arata ma jojaga una magena asa awi siningaka wotemo, ‘O kia asa taaka. Ai tuangi wodupa woidusu ngohi. Ngohi iputuruwa totoro, de tomanara, de togogolo-golo o nyawaka gena ka imade.

Lukas 12:33

Komagena so Ngohi totemo, nitagi kasi la nia arata nia tahu ma rabaka dangodu nisiija de ma pipi o nyawa isususaka niasitoku. Bilasu o pipi ma ngihi nimagaka la done yaraca lo yaakuwa. Sababu magena idadi isitero de o soroga ma kaya, kiaka niadodiahi de done isisawa, sababu o nyawa moi lo akuwa yatosi de lo o lupu yaakuwa yaodo so ibakawa.

Lukas 12:29

Komagena so upa ka cawali o kia asa niodo de niudo magena bato niososininga. Upa he nihawateri.

Lukas 12:22

O Yesus wotemo Awi muri-murika, “Kanaga de ma sababu so Ngohi totemo nginika, upa nihawateri eko nitemo, ‘O kia asa poodo.’ Upa he nihawateri eko nitemo, ‘O baju kia asa pomasipake.’

Lukas 11:41

Bilasu o kia naga nia udo-udo de nia lelenga ma rabaka gena niahike idoma kasi o bi nyawa isususaka, la nia sininga ma rabaka dangodu lo idadi datebi de daloha.

Lukas 10:25

Kanaga manga sidongirabaka o guru agama moi awi edekati ma ngale o Yesus iwisisala de o sosano moili, de wotemo, “Baba Guru, ngohi bilasu o kia taaka la tamake o oho ikokakali.”

Lukas 3:11

De una wosango, “Ngini la kanaga nagoona de nia baju la ngai sinoto, gena ngai moi niahike o nyawa kiaka manga baju ihihiwaka. De lo ngini la kanaga de nia ino, hika nisitoku kiaka ona manga ino ihihiwaka.”

Matius 16:7

Kagena de o muri-muri imatekebicara moi de moika, de itemo, “Una wotemo komagena sababu to ngone nanga roti ihiwa.”

Lukas 12:16

Kagena de o ade-ade wosijarita onaka wotemo, “Kanaga wokakaya moi, de awi tonaka awi doro ma sopo daloha.

Lukas 12:18

Eh! Hika taaka komanena! Ai pola gena tabiau de o pola ifoloi ilamo tosigoko, la kagena ma rabaka asa ai tamo de lo ai doro ma sopo dangodu tadiahi.