Lukas 11:40 - O GIKIMOI AWI JAJI ma BUKU

⁴⁰ Ngini o Farisika igogou nifuma! O Gikimoi lo kanaga nia rohe wosidadika, Una magena lo nia sininga wosidadili. Komagena so igogou wanako nakoso nia sininga lo datebi de daloha, eko hiwa.

Lukas 11:40 Referans Kwoze

Lukas 12:20

Duma o kia imaaka igogou gena o Gikimoi wotemo unaka, ‘He, nofufuma! O putu manena bato asa nosone. So o bi moi-moi dangodu natolomuka gena, idadi to nagoona.’

1 Korintus 15:36

We! De nia demo komagena nifuma bai! Nako o kia naga moi o tonaku niodadato gena, asa ioho waasi, ka cawali o gisisi magena o tonaku isone idoma.

Matius 23:26

Ngini o Farisika igogou nipilo! Bilasu o udo-udo de o lelenga gena ma rabaku niatiodo kasi idoma, la ma dudu lo idadi datebi de daloha.

Ibrani 12:9

De lo o dunia manena nanga baba ngone inadoto, de ngone ona gena pahoromati de pasigise. Nako komagena, igogou ngone bilasu powisigise o Gikimoi de ma boloika, Una gena nanga Baba o sorogaka, la ngone aku pooho ka sidutu ikakali.

Lukas 24:25

Dabolo de Una wotemo onaka, “Ngini igogou nifuma! Ngini nia sininga isidailako datemehe so niopiricayawa kiaka o bi nabi isingangasu idomaka.

Matius 23:17

Ce! Ngini ka nifuma poli, maro o nyawa ipipilo! Idodooha ngini nitemo o guraci foloi ilamo de o Gikimoi Awi Tahu. Awadede! Igogou, o Gikimoi Awi Tahu gena isitebi ma guraci kiaka ma rabaka.

Dodadi 2:7

So o orasi magena de o Jou Gikimoi o tona ma gaapo wadehe la o nyawa moi wosiaka. De o Jou Awi woma magena wosiwuwu o nyawa magena awi ngunu ma busuneka, so o nyawa magena woohoka.

Dodadi 1:26

Kagena de o Gikimoi wotemo, “Ngone bilasu o nyawa paaka de manga jamani positero maro Ngone. Tahike o buturu onaka la asa yapareta o bi haiwani dangodu magena o duniaka, de o bi namo dangodu o ngawa-ngawaka, de lo o bi nao dangodu o teoka.”