Lukas 11:39 - O GIKIMOI AWI JAJI ma BUKU

³⁹ So o Jou Yesus wotemo unaka, “Ngini o Farisika ma nyawa gena maro o nyawa la kanaga o udo-udo de o lelenga gena ma duduno yatiodo, duma ma rabaku ka dafajasi. O adati de o galepu kiaka cawali ma duduno pakokelelo gena igogou niaaka. Duma kanaga to ngini nia sininga ma rabaka ka o dodesere de lo nyafusu ma dorou nipareta.

Lukas 11:39 Referans Kwoze

Yakobus 4:8

De nakoso ngini la o Gikimoi niwidateku, done Una lo asa ngini winidateku. Komagena nakoso ngini o dorou niaakaka, de bilasu o dorou niaaaka magena lo niadohaka so nia sininga lo ibolowo de o dupa datotorou lo ihiwa. So nakoso ngini o Gikimoi niwimoteka, duma ngini o dorou niamote kali so nia sininga ngai sinotoka gena, ngini bilasu o dorou magena niadoha de niamote kawa.

Titus 1:15

Nakoso o nyawa manga sininga ibolowo, asa manga manara moi-moi dangodu magena itiai o Gikimoi Awi simaka. Duma nakoso ona o Yesus Kristus iwipiricayawa, manga sininga asa datorou so manga manara moi-moi lo dangodu gena asa datorou o Gikimoi Awi simaka. Komagena lo o guru ikokulai ona manga siningaka cawali yasosininga o dorou de lo manga sininga ma rabaka datogoi sidago lo itemo manga manara datotorou gena dangodu itiai.

Rasul 5:3

Kagena de o Petrus wotemo, “Ce, Ananias! Dadoohaso nomasimaha o Iblis ani sininga yapareta la o Gurumi Datetebi nowikulai so ani tona ma ija ma pipi ma sononga nadiahika.

Matius 15:19

Sababu o nyawa manga rabano, ena gena, manga siningano asa o bi dorou moi-moi ibao so manga manara itotooma, isusundali, o nyafusu ma dorou yaaaka, itotosi, yatotodamato de o ronga ma dorou iaaka.

Matius 7:15

“Nimasidodiahi, sababu o bi nabi ikokulai. Ona magena imatero maro kanaga o nyawa o Gikimoi iwipipiricaya duma ona ikokulai, so manga edekati datorou la o nyawa manga piricaya gena yasisa.

Dodadi 6:5

So kagena de o Jou wanako o nyawa yodupa o dorou yaaka foloisi idala. Komagena so o orasi isigeto-geto manga sininga de manga edekati gena dangodu itiai kawa de lo datorouka.

Galatia 1:14

De nioiseka maro o gohiduuru yadala o Yahudika ma nyawa manga bobita o Gikimoino gena yaaka, komagena lo ngohi ifoloi taaka la nagala ai sininga itiai. Komagena maro ai ete de topora manga adati de manga galepu gena tacoho daputuru de magena tadoto tokaeli.

Yohanes 12:6

Una awi demo ma ngale gena, ngaroko, wosidoohawa o nyawa isususaka, so cawali ma ngale una masireteka, sababu una wodupa watosi. Una magenaka o Yesus Awi muri-muri manga manara ma pipi gena una wisicoho de ma nonoma kasi masoa-masoa kanaga o pipi yatotolomuno gena una watosi.

Lukas 16:15

Kagena de Una wotemo onaka, “Ngini nia manara itiaika o nyawa manga simaka, duma o Gikimoi nia sininga gena ka wanako. O kia naga o nyawa isihohoromati, magena o Gikimoi ka woleki.

Lukas 7:13

Kagena de o Jou Yesus ma awa womikelelo so Awi galusiri ibao mobabaloka, de wotemo, “Kodo! Ai awa, upa noari bai!”

2 Timotius 3:5

De ngaroko ona magena itemo aku yaaka o moi-moi maro o Gikimoi wodudupa, duma iholu o Gikimoi Awi kuasa yariwo la aku manga oho daloha. Bilasu nomasirese ikuruka de o bi nyawa maro ona komagena.

Yohanes 13:2

So daputuku de kanaga ona yoodo de o Iblis idomaka o Yudaska, ena gena o Simon Iskariot ma ngopa, gena wiaka dabolo so wisigurubuka, o aturu datotorou moi kanaga awi sininga ma rabaka itemo, “Ngohi aku o Yesus towisiija.”

Lukas 7:19

de wasulo la ona itagi o Jou Yesuska, la kagena de iwisano Unaka, “Baba, idodooha Ngona gena igogou o Salamati ma Kolano ngomi miwidodamaha, kiaka o Gikimoi womijajajika, eko ngomi bilasu o nyawa ma somoa moili miwidamaha.”