Lukas 11:37 - O GIKIMOI AWI JAJI ma BUKU

³⁷ O Yesus wosiade-ade daboloka, de o Farisika ma nyawa moi Una wiaso la woodo awi tahuka. So Una wotagi de kagena ona yoodo.

Lukas 11:37 Referans Kwoze

Lukas 7:36

Kanaga o Farisika ma nyawa moi, awi ronga o Simon, o Yesus wiaso la awi tahuka woodo. So o Yesus wotagi awi tahuka, de wogogeku la kagena ona yoodo.

Lukas 14:1

O wange moiku, o Sabat ma wange, de o Yesus wotagi woodo o Farisi ma nyawa manga roriri moi awi tahuka. Kagena iwinanano gena isidodiahi la Awi sala yasari.

Lukas 11:36

So nakoso o Jou Awi nita kanaga nia sininga yosidisiwaka sidago lo nia sininga dapuputu kawa, de ka o nita ma rabaka aku nigoge, maro o nita kanaga yasidisiwa o tahu moika.”

Lukas 11:38

O Farisi una magena asa wohairani wikelelo o Yesus woodo gena Awi gia watiodo waasi, maro o agama ma galepu.