Lukas 11:27 - O GIKIMOI AWI JAJI ma BUKU

²⁷ O Yesus wotemo maro komagena, de kanaga o nyawa manga sidongirabano o ngopedeka moi momaili-ili motemo, “Igogou, o ngopedeka la kanaga Ngona monisibuoka de lo monisusuka, muna magena igogou mosanangi bai!”

Lukas 11:27 Referans Kwoze

Lukas 1:42

So muna momatoore, ami ili mapoputuru, motemo ongo Mariaka, “Igogou, o ngopedeka manga sidongirabaka cawali ngona manena o Gikimoi Awi laha wonisicatu ifoloi, de ani pokoka o ngopa Una magena lo Awi laha wisicatuka bai!

Lukas 23:29

Sababu done asa ma orasi yaado de o nyawa itemo, ‘Igogou, o bi ngopedeka la kanaga ma moi waasi yatilibu, so ma moi waasi ipuo, de lo onaka ma moi waasi o ngopa isusu, ona magena asa yosanangi bai!’

Lukas 1:48

Una ngohi woisiningaka, ngohi gena Awi gilalo so tomahadoku. O orasi manena de isikahika, o bi nyawa ona yangodu asa itemo, ngohi manena o ngopedeka moi o Gikimoi Awi laha woisicatu.

Lukas 1:28

O malaikat magena wahika munaka, de womitemo, “Tabea! Igogou, ngona manena o Jou Awi laha wonisicatu ifoloi, de Una kanaga dede ngona.”

Lukas 11:26

Kagena de maena itagili, de o toka tumudingili kiaka ifoloi datotorou gena maena yaaso, la yahino o nyawa iwititinga una magenaku iwosa, de kagena ona igoge. Ma duuruka o nyawa una magena ifoloi witorou de ma nonomaka.”