Lukas 11:26 - O GIKIMOI AWI JAJI ma BUKU

²⁶ Kagena de maena itagili, de o toka tumudingili kiaka ifoloi datotorou gena maena yaaso, la yahino o nyawa iwititinga una magenaku iwosa, de kagena ona igoge. Ma duuruka o nyawa una magena ifoloi witorou de ma nonomaka.”

Lukas 11:26 Referans Kwoze

Yohanes 5:14

Daboloka, de ona asa imakamake kali o Gikimoi Awi Tahuka, so o Yesus wisingangasu una wisilolohaka magena de wotemo, “Igogou, ani buturu iliho kali. So ngona gena nosanangika. So tanu Ai beseso manena nosigise la ngona gena upa o dorou naaka kali. Ngaroko ani sangisara idodomaka gena ilamo, duma o dorou ma sopo gena ma fanggali lo asa o sangisara foloisi ilamo.”

Matius 12:45

Kagena de maena itagili, de o toka tumudingili kiaka ifoloi datotorou gena maena yaaso, la yahino o nyawa iwititinga una magenaku iwosa, de kagena ona igoge. Ma duuruka o nyawa una magena ifoloi witorou de ma nonomaka. So o bi nyawa o orasi manena to ona manga dorou gena idadi de imaaka maro komagena. Ona manga bodito asa foloisi ilamo, sababu iholu Ngohi idehe daloha.”

1 Yohanes 5:16

O nyawa nagoona la to ona manga dodiao yopipiricayaka, nakoso kanaga o dorou moi yaaka de ma dodiao manga manara datotorou yakokelelo gena, bilasu ona magena o Gikimoika wisigolo, so o Gikimoi asa manga dodiao ona magenaka wasisala kawa. Ma ngale so o dorou moi-moi dangodu gena datubuso, duma kanaga o dorou para moili nakoso paaka de magena igogou Una wonasisala ngoneka. Nakoso kanaga o bi nyawa la o dorou magegena de yaakaka, so bilasu ona magena dede Una imakitingaka, de upa sidago ma ngale ona magegena de bilasu ngini Unaka nigolo. Maro komagena ngohi gena tinisulowa.

Matius 23:15

O bodito! Kodo! O bodito asa inidahe ngini o bi guru agama de lo o bi Farisi ma nyawaka. Ngini nikokulai! Ngini gena nitagi nikahika nikahino o teo niatola de lo o dududu niodagi, la ma ngale o nyawa moi niwimake la winimote nginika. De nakoso o nyawa kanaga so nimoteka, de ngini niadoto la ona gena asa nia gulai yamote de yaaka, sidago ona manga manara lo ifoloi datorou de nia manara masirete, so ona magena foloi itiai bilasu o naraka ma ukuku yaumo dede ngini masirete bai!

Lukas 11:25

so maena itemo, ‘Lebelaha ngohi ka toliho totagi o nyawa kiaka towititingaka.’ So ilihoka, ce, o tahu magena ma rabaka o nyawa moi lo yahiwa. O nyawa magena maro o tahu moi la kanaga ma rabaka igogoge o kia naga moi lo ihiwa, isesaka, de ma raba isidiahika so datebi bai!

Lukas 11:27

O Yesus wotemo maro komagena, de kanaga o nyawa manga sidongirabano o ngopedeka moi momaili-ili motemo, “Igogou, o ngopedeka la kanaga Ngona monisibuoka de lo monisusuka, muna magena igogou mosanangi bai!”