Lukas 11:24 - O GIKIMOI AWI JAJI ma BUKU

²⁴ O Yesus wotemo, “O toka magena nakoso o nyawa magenano isupu, de yahika de yahino o tona ibobeleuka o tahu imasisari la igoge. Sababu o tahu imasimakewa,

Lukas 11:24 Referans Kwoze

1 Petrus 5:8

De lo ngini bilasu nia sininga de nia rohe ma nyafusu gena niapareta daloha de lo nimajaga so nimasidailako daboloka. Sababu nia lawangi o Iblis gena o ngeko womasisari ma ngale ngini nipipiricaya winisitura, maro o singa moi yakahika yakahino ka imuru-muru yasari ma ino la aku yaodo.

Markus 5:10

De awi toka gena igolo o Yesuska, la upa o daera magenenano wasisupu.

Efesus 2:2

O orasi magenaka ngini o wange isigeto-geto niamote o ngeko datotorou gena maro de o nyawa o Gikimoi wihoholu so o dorou yodupa yaaka, ena gena kanaga ngini lo niaaka o Iblis awi dupa. O Iblis gena o kuasa datotorou o ngawa-ngawaka wapopareta, de lo sidago o orasi manena nagasi o nyawa o Gikimoi wisigogiisewa to ona manga siningaka womanara.

Markus 9:25

Orasi magena de o Yesus wakelelo o nyawa yadadala yahino iwisidolomu, de Una wodusu o toka magenaka wotemo, “He, toka wisitotopongo de wisimumusu! Ngohi tonisulo nosupu o ngopa manenano, de upa lo nokahinoli.”

Lukas 11:25

so maena itemo, ‘Lebelaha ngohi ka toliho totagi o nyawa kiaka towititingaka.’ So ilihoka, ce, o tahu magena ma rabaka o nyawa moi lo yahiwa. O nyawa magena maro o tahu moi la kanaga ma rabaka igogoge o kia naga moi lo ihiwa, isesaka, de ma raba isidiahika so datebi bai!