Lukas 10:39 - O GIKIMOI AWI JAJI ma BUKU

³⁹ Kanaga lo ma nongoru moi ami ronga ongo Maria. Ongo Maria muna magena mowidateku, de Una Awi dohuku mogoge ma ngale Awi dodoto mosigise.

Lukas 10:39 Referans Kwoze

Lukas 8:35

So o nyawa yokokisupu yahino la yatailako. Kagena de ona yaado o Yesuska, de o nyawa idomaka wikokitoka una magena witogosa kawa, so o Yesus Awi dateka womarihi-rihi, de womabajuka, de lo awi sininga itiaika. O bi nyawa ona magena iwikelelo de yamodo.

Yohanes 12:3

So mononongoru ongo Maria magena o gososo dabobou de ma ija ihahali maaho. O gososo magena o bi ngutu dabobouno. So kagena mahino, de gila-gila o gososo magena mosidahu o Yesus Awi dohuku de ami hutu masirete Awi dohu mosiese, ma ngale Una mowihoromati. So o tahu ma raba magena ipasiku de o bou daloloha.

Rasul 22:3

So gila-gila o Paulus womasinako itiai de wotemo onaka, “Ngohi manena lo o Yahudika ma nyawa moi. Ngohi o Tarsus ma kotano o Kilikia ma daeraka, duma ngohi manena isilamo gena o Yerusalemka. O Gamaliel una magena ngohi ai guru so igogou ngohi lo tomadoto tamote o Yahudika nanga bobita, kiaka to ngone nanga ete de nanga topora yacocoho so inahike ngoneka. De ngohi ai edekati ai manara moi-moi ma rabaka gena o Gikimoi towisihoromati, so imatero de o wange manena ngini kanena ningodu.

Lukas 2:46

So wisari o Yerusalem ma doku yakiloli yahika de yahino o wange saange dabolo, de asa Una wimake o Gikimoi Awi Tahu ma rabaka. Una de o guru-guru agama so manga demo wosigise de lo onaka wasasano.

Yohanes 11:1

Kanaga o nyawa moi asa wopanyake, una magena awi ronga o Lazarus. Una o Betaniaka ma nyawa de awi bira yasinoto ona lo yogoge o Betania ma dokuka. De awi bira moriria ami ronga ongo Marta de mononongoru ami ronga ongo Maria.

Lukas 10:42

Duma kanaga ma lamo ka ngai moi kiaka bilasu ngona naaka, ena gena o Gikimoi Awi demo nosigise. Nako ani nongoru muna manena daloloha mahirika, de asa yaakuwa o loha magena yadehe munano.”

Yohanes 11:19

so kanaga o Yahudika yadadala o Yerusalemka de yahino, la ma ngale manga hira wososone gena aku ma bira moriria ongo Marta de mononongoru ongo Maria ona magena manga sininga isiputuru.