Lukas 10:28 - O GIKIMOI AWI JAJI ma BUKU

²⁸ O Yesus wotemo, “Ani sasango gena itiai. Naaka komagena, la ngona asa o oho ka sidutu ikakali namake.”

Lukas 10:28 Referans Kwoze

Matius 19:17

“Dadoohaso ngona noisano Ngohino o gogoho o kia gena daloha. Kanena moiwa manga sininga daloloha, cawali o Gikimoi masirete. Nakoso nomode o oho ikokakali la namake, de o Gikimoi Awi bobita gena bilasu naaka.”

Galatia 3:12

Duma o ngeko o Yahudika manga bobita o Gikimoino yamote gena, imaterowa de o ngeko o Gikimoi powipiricaya. Sababu ngone panakoka o Gikimoi Awi Bukuka isilelefo itemo, “O nyawa nakoso o bobita o Gikimoino moi-moi isilelefoka gena dangodu yaakaka, de ona magena asa o oho yamake, sababu o bobita moi-moi isusuloka gena ona yaakaka.” Komagena ngone o nyawa moi lo waali aku paaka itiai, sababu o bobita dangodu akuwa paaka, duma mamoi-mamoi ngone patilakuka.

Roma 10:4

Duma ma ngeko idodooha ngone nanga sininga idadi itiai o Gikimoika gena, upa o bobita o Gikimoino gena pamote itiai, sababu ma Kristus asa waaka, so o ngeko idodoma gena he pamote kawa de ka cawali ma ngeko powipiricaya Unaka magena pamote.

Roma 3:19

Igogou, ngone panako o Gikimoi Awi bobita moi-moi o Musa wosilelefo gena ma meta o nyawaka, la kanaga o bobita magenaka imasigocoho, so bilasu ona yosigise. Ma ngale gena o nyawa moi lo yaakuwa yosango yotemo, “To ngohi ai sala ihiwa.” So o dunia ma bi nyawa, bai o Yahudika bai lo o Yahudika yasowo gena, yangodu de manga sala de manga dorou o Gikimoi Awi simaka.

Lukas 7:43

O Simon wosango, “Nagala o nyawa awi nagi foloi ilalamo yapiki.” De Una wotemo, “Ani sango gena itiai.”

Markus 12:34

O Yesus iwitailako ma guru agama magena awi sango daloha icarawa, so wotemo unaka, “Ngona manena lo he nadumu o Gikimoi Awi paretaka.” So dabolo de o nyawa moi lo yobarani kawa o kia naga de wisano Unaka.

Roma 7:10

So komagena o bobita la kanaga totemo, nako taaka, de nagala ai dorou moi lo aku ihiwa de o oho ka sidutu ikakali gena tamake. Duma o bobita magegena asa ai dorou isikelelo ngohika, so tanako igogou ngohi de o Gikimoi mimakitingaka.