Lukas 10:27 - O GIKIMOI AWI JAJI ma BUKU

²⁷ De o nyawa magena wosango wotemo, “ ‘Bilasu nowidodara o Gikimoi, to ngona ani Jou, dede ani sininga ma buturu de ani pade ma buturu dangodu nosikomote.’ De lo ‘Nadodara ani dodiao maro ka to ngona ani rohe masirete.’ ”

Lukas 10:27 Referans Kwoze

Roma 13:9

O bobita gena kanaga o sulo idala, ena gena maro “Upa nisundali. Upa nitooma. Upa nitosi. Upa nitesere.” Nako o bobita moi-moi magena de kanaga ma binukali dangodu magena yapoluno, imatero de o bobita ka ngai moika, ena gena “Maro ngini nia rohe masirete niadodara, komagena nia dodiaoka lo bilasu niadodara.”

Yakobus 2:8

De o Gikimoi Awi dodoto ifoloi ilamo gena maro Awi Jaji ma Buku ma rabaka itemo, “Maro ngini nia rohe masirete niadodara, komagena nia dodiaoka lo bilasu niadodara.” De nakoso igogou ngini o demo ilamo magegena la niaaka, de ngini asa niaaka o moi-moi daloloha de itotiai.

1 Yohanes 3:18

Ai ngopa-ngopa tososininga, ma ngale o nyawa padodara gena togolo ngoneka, tanu upa ka ma bicara. Duma tanu ngone paaka de lo o nyawa asa padupa pariwo, la komagena to ngone nanga dodara gena igogou de itiai onaka.

Ibrani 8:10

So manena o jaji kiaka done o orasi ma simaka de Ngohi asa taaka o Israel ma nyawaka: Ngohi Ai bobita gena asa to ona manga sininga ma rabaka tahado so ona aku yosihoda de igogou yanako. Ngohi asa todadi to ona manga Gikimoi masirete de ona asa yodadi to Ngohi Ai nyawa.

Galatia 5:13

Nako ngini ai dodiao nipipiricaya gena, o Gikimoi ngini winiasoka la ngini Awi nyawa masirete, ma ngale aku ngini winipalako la o bobita o Gikimoino gena upa he niamote. So ngaroko winipalakoka, duma kanaga de ma batika. Upa sidago lo winipalako ma ngale o dorou nia sininga ma rabaka gena niaaka. Duma ngini winipalakoka ma ngale niadodara o nyawaka, de komagena bilasu nimatekeleleani moi de moika.

Matius 19:19

de nahoromati ani baba de ani awa de lo nadodara ani dodiao maro ka to ngona ani rohe masirete.”

Lukas 10:26

De o Yesus wotemo, “O Jou Awi Bobita ma buku ma rabaka gena o kia isilelefo.”