Lukas 1:47 - O GIKIMOI AWI JAJI ma BUKU

⁴⁷ Ai sininga imore de danali o Gikimoika, sababu Una ai dorouno woisisalamati.

Lukas 1:47 Referans Kwoze

1 Timotius 2:3

Nakoso nanga sumbayang ma ngale o nyawa yangodu gena, daloha de iwisisanangi o Gikimoi, gena to ngone nanga Salamati,

Titus 2:10

De nadoto la o tona ma duhutu awi moi-moi upa ona yatosi, duma ona bilasu o wange isigeto-geto isimane ona manga manara moi-moi yaaka de manga sininga daloha, la o tona ma duhutu magena igogou aku wapiricaya. Bilasu o moi-moi yaaka komagena, la done asa o bi nyawa o Yesus wipipiricaya waasi yanako de isihoda gena igogou daloha ma ngale o dodoto o Gikimoi asa ngone wonasisalamati.

Yudas 1:25

Sababu ngohi tanako igogou de itero, Una magena foloi wolamo de lo wokokuasa ka ma nonomasi de isikahika ka sidutu ikakali. So ma ngale o Yesus Kristus to ngone nanga Jou wonasiputuru, so o Gikimoi womatetengo de lo wonasisosalamati hika Una magena Awi ronga igogou posilamo. Amin. Ngohi Yudas

Titus 2:13

Bilasu paaka komagena, sababu ngone podamaha de pongongano done asa ifoloi posanangi, ma orasi nanga Gikimoi Wilalamo Una magena to ngone nanga Salamati o Yesus Kristus asa wouti kali o duniaku, maro o kolano moi de Awi kuasaka.

1 Timotius 1:1

Timotius tonisiboboso. Ngohi, Paulus, o surati tolelefo gena o Yesus Kristus Awi sosulo. Ngohi manena o sosulo moi o Gikimoi, Una magena ngone wonasisalamatika, de o Yesus Kristus isitatapuka. O Yesus Kristus Una magena powingongongano Una asa wahino kali o duniaka de waaka o kia moi-moi dangodu ngone pododamaha.

Lukas 2:11

O putu manena kagena ma kolano Daud awi doku o Betlehemka o ngopa yanau moi wisibuo. Una magena wodadi o kolano la ma ngale ngini o dunia ma nyawa nia dorouno bilasu winisisalamati, ena gena ma Kristus, nanga Jou.

Titus 1:3

De o orasi moi wahirika Una asa wasingangasu o bi nyawaka to Una Awi habari daloloha, so kagena de Awi sosulo itagi isihabari. Komagena o habari daloloha o Gikimoi nanga Salamati woidedemo ngohika, magena woisulo la ngohi totagi tosihabari o bi nyawaka.