Lukas 1:41 - O GIKIMOI AWI JAJI ma BUKU

⁴¹ De komagena ami salam gena ongo Elisabet moise, de to muna ami ngopa ami roheka magena imahiti, de o Gurumi Datetebi Awi kuasa daasu-asu asa iwosa munaku de wopareta.

Lukas 1:41 Referans Kwoze

Lukas 1:67

O Yohanes ma baba, o Zakharia, una magenaku o Gurumi Datetebi Awi kuasa daasu-asu iwosa de wipareta, so o Gikimoi Awi demo wosingangasu gena wotemo,

Lukas 1:44

Ato ani salam toise, de o ngopa ai poko ma rabaka gena imahiti de ma nalika.

Lukas 1:15

Sababu una done asa wodadi o nyawa wilalamo moi o Jou Awi simaka. Una womasimahawa o anggur eko o dalu woudo, de ka wisibuo kusi una gena o Gurumi Datetebi ma kuasa daasu-asu wiparetaka.

Rasul 4:8

O Petrus de o Gurumi Datetebi Awi kuasa daasu-asu wipareta, de wosango wotemo, “Baba-baba, o Mahkamah Agama ningodu de lo o Israelka manga roriri.

Rasul 2:4

De o Gurumi Datetebi Awi kuasa wowosa ona yangoduku, de manga sininga ma rabaka wopareta so de o kuasa magena ona isolano isibicara de o bi bahasa ma somoa.

Rasul 7:55

Duma de o Gurumi Datetebi Awi kuasa o Stefanus womamataga o sorogaye, de una wakelelo o Gikimoi Awi mulia isiru-siru ma rabaka de o Yesus womaokoye Awi girinaka.

Gogelelo 1:10

De ma orasi magena, o Minggu ma Wangeka, de o Gurumi Datetebi ngohi ai sininga wapareta so tamote. Kagena de o gogelelo moi tamake so kanaga ngohi ai duduno o ili ilalamo moi toise maro o trompet ma ili,

Dodadi 25:22

Muna ami ngopa gena isago so mosibuo waasi, de ami poko ma rabaka iruwahe sidago lo ongo Ribka motemo, “Dadoohaso bilasu idadi komanena to ngohi ai poko ma rabaka.” De gila-gila muna mogolo o Jou-ka, la Una aku o ngeko de o simodoto womihike munaka.

Efesus 5:18

De upa nidalu, sababu o nyafusu ma dorou done isibao. Ka daloha nakoso nginiku la o Gurumi Datetebi ma kuasa daasu-asu gena iwosa de nipareta,

Rasul 6:3

So, ai dodiao nipipiricaya, nakoso daloha, de hika niahiri o nyawa yatumudingi to ngini nia sidongirabano nianako icocawaro de o Gurumi Datetebi Awi kuasa daasu-asu manga sininga wapareta, de asa ngomi ona magenaka miahike o oho ma roriwo ma manara.

Lukas 4:1

Daboloku, o Yesus o Yordan ma Seleraka so he womajobo de o Gurumi Datetebi ma kuasa daasu-asu wipareta so wingaho o tona ibobeleuka.

Lukas 1:40

Motagi momasidiado o Zakharia awi tahuka, de mowosa de ami salam momisidiado ongo Elisabetka.

Lukas 1:42

So muna momatoore, ami ili mapoputuru, motemo ongo Mariaka, “Igogou, o ngopedeka manga sidongirabaka cawali ngona manena o Gikimoi Awi laha wonisicatu ifoloi, de ani pokoka o ngopa Una magena lo Awi laha wisicatuka bai!

Rasul 9:17

Mutuwade o Ananias wotagi de wowosa o tahu magenaka. So kagena de awi gia wahado o Saulusku, de wotemo, “Ai nongoru Saulus, o Jou Yesus nowikokelelo o ngeko ma soaka ma orasi ngona nokahino nonena gena, Una masirete woisulo ngohi tahino ngonaka la nomasigelelo kali de o Gurumi Datetebi Awi kuasa iuti ngonaku.”