Lukas 1:35 - O GIKIMOI AWI JAJI ma BUKU

³⁵ O malaikat gena wotemo, “O Gurumi Datetebi asa wouti de wahino ngonaka, so o Gikimoi Wikukuruye Awi kuasa ma buturu lo asa igoge ngonaka. Komagena so o ngopa moi asa nowisibuo Una magena witebi, de wisiaso o Gikimoi ma Ngopa.

Lukas 1:35 Referans Kwoze

Matius 1:18

O Yesus Kristus Awi sibuo ma jarita gena komanena: Ma awa muna magena ami ronga ongo Maria, muna de o Yusuf gena imabobaika. Duma ona yasinoto ikawi waasi so ona imakiidu waasi, de ongo Maria he moroheka. Ngaroko komagena imaaka, o Yusuf gena igogou-gogou wanakowa ma bobai ongo Maria moroheka gena de o Gurumi Datetebi ma kuasa.

Yohanes 1:49

Kagena de o Natanael wotemo, “Wewe! Baba Guru, so Ngona ka noinako bai! Igogou-gogou, Ngona gena o Gikimoi ma Ngopa. Ngona manena o Israelka ma nyawa manga Kolano.”

Yohanes 1:34

De ngohi tanako igogou de ngohi towikeleloka, so tinisingangasu tagogou nginika, Una magena o Gikimoi ma Ngopa.”

Matius 1:20

Ma orasi o Yusuf ka watagapisi awi sininga ma rabaka womidolomu eko hiwa, de una wokioloka de wotoguruga. Awi doguruga ma rabaka una wakelelo o Jou Awi malaikat moi yahino de itemo unaka, “Yusuf, ngona gena o Daud awi ngopa de awi dano moi. Upa nimodo ongo Maria nomidehe, sababu o ngopa ami poko ma rabaka idadi gena ka cawali o Gikimoi Awi Gurumi Datetebi ma kuasa so imasibolote munaka.

Markus 1:24

“He, Yesus! Ngona o Nazaretno de Ani edekati o kia dede ngomi. Ngona nahino la nomimorutu ngomi? Ngohi toninakoka, Ngona gena o Sosulo Nitetebi moi o Gikimoino.”

Matius 27:54

Ma kapita moi dede awi prajurit-prajurit o Yesus wijojajaga gena o osu de lo o kia naga idadadi magena yakelelo, de ona yamodo imasidotirineku, de yotemo, “We! O nyawa Una manena igogou o Gikimoi ma Ngopa!”

Ibrani 4:15

Sababu igogou, nanga Imam Wilalamo manena ma ngale ngone nanga buturu ikurangi gena waaku wamalo. Wamaloka, sababu maro o tailako ma bi ngeko moi-moi gena dangodu inadahe ngoneka, komagena lo Unaka o tailako ma ngeko magena lo asa iwidahe daboloka, duma Una ka o dorou moi lo waakawa.

Lukas 1:27

ma ngale o jojaru moi ami ronga ongo Maria gena imarimake. Muna magena mobobaika de o gohiduuru moi, awi ronga o Yusuf, gena ma Kolano Daud awi ngopa de awi dano moiku.

Galatia 2:20

Komagena so o orasi manena gena upa ngohi ai buturu masirete so ai sininga itiai, duma cawali de ma Kristus Awi oho ma buturu asa aku ai sininga itiai. La ma ngale o orasi manena ngohi tooho de o Gikimoi Awi Ngopa towipiricayaka, la Una magena asa aku ai sininga itotiai gena waaka. Sababu Una magena ngohi woidodara de ma ngale ngohi lo Una wodupa wosone.

Rasul 8:36

Ona itagi yamote o ngeko magena, de imasidiado o riho moika de ma akeka. La o Etiopia ma nyawa una magena wotemo, “He! O ake lo madahe! Hino pouti, la kagena de noiosi.” [

Yohanes 20:31

So o nonako ihahairani waaaka magena, ngaroko dangoduwa, duma asa isilefoka, la ma ngale ngini aku niopiricaya igogou o Yesus Una magena o Salamati ma Kolano de lo Gikimoi ma Ngopa. De nakoso ngini asa niwipiricaya Unaka, de ma sababu ma ngale Una magegena so aku niamake o oho ma duhutu.

Markus 1:1

Manena gena o habari daloloha o Yesus Kristus, o Gikimoi Awi Ngopa.

Efesus 2:3

De maro ona magegena, komagena ngone inangodu lo idomaka paaka de pamote nanga sininga ma dupa de o nyafusu datotorou gena dangodu. Igogou, o orasi magenaka so itiai nakoso ngone o Gikimoi wonadoosa, sababu ngone gena ka pomaketero de ona o nyawa ma binuka lo de manga dorou.

Matius 14:33

So kagena o deruka Awi muri-muri manga suba yatide Unaka de lo itemo, “Igogou, Ngona manena o Gikimoi Awi Ngopa!”

Matius 4:3

So kagena de o Iblis yahino de iwibaja itemo Unaka, “Ngona gena igogou o Gikimoi Awi Ngopa. So hika o bi teto manena nasulo la imadadi o roti la aku naodo.”

Lukas 1:34

De muna motemo, “We! Idodooha so o hali magena idadi, salanta ngohi tokawi waasi de tomaidu waasi dede yanau.”

Lukas 1:36

He! Nanako ani ria ongo Elisabet muna magena, ngaroko miperekika de o nyawa miaso ami ngopa ihiwaka, duma morohe he o ngoosa butanga dabolo. Igogou, muna lo done asa o ngopa yanau moi mowisibuo.