Kolose 3:6 - O GIKIMOI AWI JAJI ma BUKU

⁶ Sababu o nyawa nakoso yaaka komagena de o Gikimoi wisigisewa, de ona magegena asa Una wangamo.

Kolose 3:6 Referans Kwoze

Efesus 5:6

So upa sidago o nyawa de manga bicara ma faida ihihiwa gena, ngini inikulai de inibaja la o gogoho ma manara maro komagena de niaaka. Sababu igogou o nyawa nakoso yaaka komagena de o Gikimoi wisigisewa, ona magegena asa Una wangamo.

Roma 1:18

O Gikimoi Una o sorogaka de ngone wonasikeleloka Awi doosa gena, kanaga o nyawa manga dorou moi-moi de o bi moi-moi Una wodudupawa de yaaka gena bilasu wafanggali de o dorou. O Yahudika ma nyawa yasowo ona magena manga dorou gena, o dodoto itotiai ma ngale o Gikimoi magena yafati la o nyawa upa yanako.

1 Petrus 1:14

O Gikimoi wotemo ngini gena to Una Awi ngopa-ngopa masirete, komagena so bilasu ngini niwisigise daloha. Upa sidago o dorou gena niodupa niaaka, maro idomaka o habari daloloha ma ngale o Yesus Kristus gena nionako waasi so o dorou niodupa niaaka.

Gogelelo 22:15

Duma kagena o kota ma duduka kanaga igoge o nyawa yangodu la de manga manara datotorou, komagena ona yototooma, o nyafusu ma dorou yaaaka, igogomahate, o kia naga manga gia isiaaka de kagena yasusuba de lo yatotodamatoko.

2 Petrus 2:14

De ona o dorou yaaka imatero maro to ona manga ake de manga nao. Ona nakoso kanaga o ngopedeka ma somoa bato imikelelo de imakajai-jai iminyafusu datorou, de nako o nyawa kanaga manga piricaya daputuru waasi gena yasihaga. De kanaga lo nakoso o pipi gena ona ifoloisi yodesere. Ilaha! Ona magena igogou yakutuku de asa yabodito.