Kolose 2:11 - O GIKIMOI AWI JAJI ma BUKU

¹¹ Ngini nimarimoi dede Una, so Una magegena asa to ngini nia dupa datotorou nia sininga ma rabaka gena dangodu wapikika, maro ngone nakoso pomasuna de nanga kahi pahoi. So to ngini nia dupa datotorou gena aku niaholu de nisigise kawa.

Kolose 2:11 Referans Kwoze

Roma 2:29

Duma ma ngale o nyawa ona magegena la kanaga idadi Una Awi nyawa gena manga sininga ma rabaka o dorou dangodu Una Awi Gurumi gena wapikika. Komagena wapikika, upa ka ma sababu o bobita o Gikimoino gena ona yamake, duma Awi Gurumi womanara manga siningaka. O nyawa maro komagena yamake o giliri gena, upa nitemo o nyawano, duma ka cawali o Gikimoino.

Filipi 3:3

Sababu o Gikimoi wotemo upa dede ona magena, duma cawali ngone manena asa maro to Una Awi nyawa ma duhutu. Ngone manena Awi Gurumi wonasiputuru so o Gikimoika poleleani. De ma ngale o Yesus Kristus Awi manara to ngone nanga siningaka so nanga giliri asa posimane. So o bobita o Gikimoino maro o Musa walelefo ma ngale pomasuna gena, upa he papiricaya kali.

Efesus 4:22

Ena gena, ngini inidotoka la ngini bilasu niholu de nisigise kawa to ngini nia dupa datotorou de lo o manara moi-moi idodoma niaaakaka, magena he niaaka kawa de niaumoka. Nia dupa idodoma niamomoteka gena ka inisitura o ngeko isasalaku de nia gogoho isitorou.

Roma 6:6

Tanu ngini niosininga kali, o ngeko idodoma pamomote gena nanga sininga ma dupa datotorou magena ma kuasa isisaka, sababu Una wisangahadika, la ma ngale nanga ngeko datotorou gena inakuasa kawa so upa he pamote kali. De lo o dorou gena inapareta kawa, so upa he posigise. Maro o gilalo moi bilasu ma tuangi awi dupa wosigise gena, he komagena kawa.

Galatia 5:24

De o Yesus Kristus Awi nyawa ona magena o dorou ma dupa moi-moi kanaga manga sininga ma rabaka gena dangodu yaaka kawa, maro o nyawa la kanaga yasangahadika so yooho kawa.

Galatia 2:20

Komagena so o orasi manena gena upa ngohi ai buturu masirete so ai sininga itiai, duma cawali de ma Kristus Awi oho ma buturu asa aku ai sininga itiai. La ma ngale o orasi manena ngohi tooho de o Gikimoi Awi Ngopa towipiricayaka, la Una magena asa aku ai sininga itotiai gena waaka. Sababu Una magena ngohi woidodara de ma ngale ngohi lo Una wodupa wosone.

2 Korintus 5:17

Ena gena, nakoso o nyawa la kanaga de ma Kristus imarimoika, de igogou ona magena asa imadadi o nyawa yamomuaneka. Ma orasi ona ipiricaya waasi de manga oho idodoma gena ipasa de isisaka, de igogou manga oho damomuane gena yamake daboloka.

Ibrani 9:24

Sababu o Suba ma Dadaru kiaka ma Kristus wowowosaka magena, upa o nyawa manga gia siaaka gena isinonako o Suba ma Dadaru ma duhutu o sorogaka. Ka igogou Una wowosa o sorogaka de kagena o orasi manena wirisima o Gikimoika ma ngale ngone wonasigolo.

Ibrani 9:11

Duma o orasi manenaka de ma Kristus womasidiadoka wodadi o jaji damomuane ma Imam Wilalamo la kanaga womanara o bi moi-moi kiaka daloloha. Una wowosa o Suba ma Dadaru o sorogaka, kiaka foloisi daloha de foloi datebi de o Suba ma Dadaru idodoma o Musa wosigogokoka. Sababu o suba ma dadaru ma Kristus wowowosaka gena o nyawa yaakawa, ena gena o dunia manena nowa.

2 Korintus 5:1

So to ngone nanga rohe o dunia manenaka gena tosiade-ade imatero maro o dadaru, kiaka ma nonomaka de pomasidododogu. Nakoso o dadaru magena ibiauka, de done o tahu daloloha asa paaka. Komagena lo ngone nanga rohe, nakoso isone, de ngone panako done o sorogaka de o rohe damomuane gena o Gikimoi asa wonahike ngoneka, kiaka o dunia ma nyawa manga gia isiaaka dasowo de ka sidutu ikokakali.

Rasul 17:24

Ai baba-baba o Atena ma nyawa, o Gikimoi o dunia de ma raba moi-moi wosidadadika de o dipa de o dunia wapopareta gena, Una o bi puji ma tahu de o bi nyawa manga gia isiaaka gena ma rabaka wogogewa.

Rasul 7:48

Duma o Gikimoi Wikukuruye wogogewa o tahu o nyawa manga gia isiaaka, sababu o bi nabi manga buku ma rabaka isilefo komanena: O Jou wotemo,

Lukas 2:21

O ngopa Una magena Awi umuru o wange tupaange yaadoka, de asa Una wisuna, yamote maro o Yahudika manga adati de manga galepu, de lo wisironga o Yesus, o ronga kiaka idomaka Una wihiwasi so ka ma awa ami rohe kasi de o malaikat gena wihikeka.

Markus 14:58

komanena yotemo, “Ngomi miiseka o nyawa Una magena wotemo, ‘Ngohi done o Gikimoi Awi Tahu manena de o nyawa manga gia isiaaka asa taruba de tabiau, de o wange saangeka Ngohi asa tosigoko kali damomuane, duma o nyawa manga gia isiaakawa.’ ”

Roma 7:24

Awa kodo! Tanu o dorou ma dupa ai sininga ma rabaka, tanu ma paretano asa ngohi isisupu. Ilaha! Upa sidago ngohi dede o Gikimoi mimakitinga.

Kolose 3:5

So bilasu ngini o bi dorou moi-moi upa niaaka, maro o nyawa kanaga wosoneka. Ena gena, niholu niaaka o dupa datotorou de o nyafusu ma dorou dangodu, de lo niholu o arata niodesere. Nakoso magena niodesere gena, imatero de o Gikimoika nisubawa so ka o serika niasuba.