Kolose 1:3 - O GIKIMOI AWI JAJI ma BUKU

³ Ngomi gena ma orasi misumbayang ma ngale ngini ningodu, de mia sumbayang ma rabaka kanaga o Gikimoi, ena gena o Jou Yesus Kristus ma Babaka mitemo, “Ya, Jou! Ani laha ka ilamo poli.”

Kolose 1:3 Referans Kwoze

1 Tesalonika 1:2

Ngomi gena ma orasi mia sumbayang miatide ma ngale ngini ningodu, de mia sumbayang dangodu ma rabaka kanaga mitemo, “Ya, Jou! Ani laha ka ilamo poli.”

2 Timotius 1:3

O Gikimoi Una magena towileleani de ai sininga ibolowo, imatero maro idodoma ai ete de ai topora lo iwileleanika. De Una magenaka ma ngale ngona ani piricaya o Yesuska gena ngohi tosumbayang, “Ya, Jou! Ani laha ka ilamo poli.” O putu de o wange ma ngale o nyawa o Yesus wipipiricaya ngohi togolo o Gikimoika, tanu o orasi isigeto-geto gena tonisininga so ai sumbayang ma rabaka ngona toniwosawa.

Kolose 1:9

Ma orasi o habari ma ngale ngini gena ngomi miiseka sidago lo o orasi manena ngomi misumbayang ma ngale ngini ningodu gena mimatoguwa. De mia sumbayang dangodu ma rabaka kanaga migolo o Gikimoika tanu ngini aku nianako itiai o bi moi-moi dangodu maro o kia Una wodudupa la niaaka. Ena gena, tanu ngini nia cawaro ifoloi de lo Awi Gurumi ma buturu so aku nianako o moi-moi kiaka o dodoto itotiai de o moi-moi kiaka o dodoto ikokulai.

1 Korintus 1:4

Ngohi gena ma orasi ai sumbayang tatide ma ngale ngini, de ai sumbayang dangodu ma rabaka kanaga totemo, “Ya, Jou! Ani laha ka ilamo poli.” Sababu ngini dede o Yesus Kristus nimatekerimoika, so nginika gena o Gikimoi Awi laha asa winisidumuka,

Kolose 1:13

O Gikimoi Una magegena o Iblis ma kuasa ma rabano ngone wonasisalamatika, maro o bubutuno o nyawa wasisupuka, de wonatuluru so ma Ngopa widododara to Una Awi pareta ma rabaka kagena powosa.

Efesus 1:15

So nakoso ngohi tososininga o bi laha moi-moi gena dangodu ngini niamakeka, de ngohi bilasu o Gikimoika totemo, “Ya, Jou! Ani laha ka ilamo poli.” Ma orasi o habari ma ngale ngini niwipiricaya daputuru o Jou Yesuska de lo nia dodara o Gikimoi Awi nyawa yangodu gena ngohi toiseka,

Filipi 4:6

De ngohi todupa lo ma ngale ngini gena o kia naga moi lo upa nihawateri, duma o hali moi-moi ma rabaka o orasi isigeto-geto nia sumbayang niatide o Gikimoika, la kanaga o kia ikurangi gena nigolo de nitemo, “Ya, Jou! Igogou, Ngona asa ngomi nomiriwo sababu Ani laha ka ilamo poli!”

Roma 15:6

La ngini ningodu de nia sininga imarimoi ma ngale aku nisilamo o Gikimoi Awi ronga, o Yesus Kristus nanga Jou Awi Baba.

2 Korintus 1:3

Hika la o Gikimoi, nanga Jou Yesus Kristus ma Baba, Una magena Awi ronga ngone posilamo. Una magena, o Baba, Awi sininga igagalusiri de to ngone nanga sininga ma buturu moi.

Efesus 6:18

O moi-moi gena niaaka de magena ma rabaka ngini de Awi Gurumi ma buturu bilasu nia sumbayang o Gikimoika gena upa itogu, la salalu nimajaga de nimasidailako ma ngale Awi nyawa yangodu so aku nigolo Unaka.