Ibrani 9:8 - O GIKIMOI AWI JAJI ma BUKU

⁸ De o bi bobita komagena o Gurumi Datetebi ngone wonadoto, nakoso o ngihi ma nonoma de maenasi, gena ma ngale o ngeko moi ihiwasi la o nyawa aku o ngihi ma sinotoka, ena gena o Ngihi Foloi Datetebika, kagena aku yowosa ma ngale o Gikimoi iwidate.

Ibrani 9:8 Referans Kwoze

Yohanes 14:6

So Una wasingangasu wotemo, “Ngohi manena tomadadi o ngeko o Gikimoika, de o dodoto itotiai gena tadoto la o nyawa aku iwinako itiai, de Ngohi lo o oho ma hutu. Mutuwade kanaga o nyawa nagoona lo yaakuwa yotagi Ai Babaka nakoso ona yoholu Ngohi tangaho, sababu Ngohi gena o ngeko ikokahika Unaka.

Ibrani 3:7

So hika ngini nimasosininga o sidapano ma demo o Gurumi Datetebi wodedemo, kiaka idomaka isilelefo o Gikimoi Awi Jaji ma Buku ma rabaka itemo, “Nakoso o wange manena ngini o Gikimoi Awi ili niise gena,

Efesus 2:18

Sababu ma ngale ma Kristus Awi manara gena, bai o Yahudika de lo o Yahudika yasowo, ngone inangodu gena de o Gurumi Datetebi ma kuasa aku pobicara o Baba Gikimoi Awi simaka.

2 Petrus 1:21

Sababu o Gikimoi Awi nabi idodoma o demo isingongangasu magena upa o nyawa manga dupa masirete, duma ka Una Awi Gurumi Datetebi ma dupa so yodedemo.

Ibrani 9:3

O ngihi magena ma rabaka kanaga o ngihi ma sinotoka lo de o baro isipoperesu, gena isironga o Ngihi Foloi Datetebi.

Galatia 3:8

De lo idomaka o Gikimoi Awi Bukuka isilefo done o nyawa o Yahudika yasowo, nako Una wipiricayaka, done Una asa to ona manga sininga waaka itiai. De idodoma Una o habari daloloha asa o Abraham wisingangasuka wotemo, “Sababu ma ngale ngona done Ngohi asa o bangsa yangodu o duniaka Ai laha gena tasidumu.”

Yohanes 10:9

Ngohi manena gena o ngora, so o nyawa nakoso Ngohika yahino la aku yowosa, ona magena asa yosalamati. So ona aku iwosa de lo isupu la o ino yamake.

Rasul 28:25

So kagena ona imatekesikoholu de imasidailako, so tanu imajobo iliho, de o Paulus wasitemo o Yahudi manga roririka magena de o demo moi, gena komanena, “Igogou de itemo ma ngale ngini manenaka, kiaka o Gurumi Datetebi ma nabi Yesaya iwisingangasu ma ngale nia ete de nia topora idodomaka, gena komanena,

Yohanes 10:7

Mutuwade Una wobicara kali onaka wotemo, “Nako o ngora ma boberesu, la kanaga yapelenga so o bi duba aku iwosa, magena igogou Ngohi manena.

Ibrani 10:15

De o dodoto manena gena o Gurumi Datetebi lo wosiputuru. O Gikimoi Awi Jaji ma Buku ma rabaka itemo o Jou wotemo komanena,

Lukas 1:80

O Zakharia awi ngopa una magena foloika wilamo, awi sininga de awi rohe ma buturu lo asa idogoli. Wilamoka, de una wogoge o tona ibobeleuka, sidago ma orasi yaado done asa una o Jou Awi demo gena wotagi wosihabari o Israel awi ngopa de awi danoka.